Kaffimógull ákærður fyrir að drekkja níu ára dóttur

Rétt­ar­höld standa nú yfir í New York-fylki yfir Luciano Fratt­olin, 45 ára stofn­anda kaffi­fyr­ir­tæk­is­ins Gambella, sem ákærður er fyrir að hafa drekkt níu ára dóttur sína, Melinu Fratt­olin út í mýri. Sak­sókn­arar halda því fram að Fratt­olin hafi skipu­lagt morðið til þess að sleppa við að greiða með­lag með stúlkunni.

Lík Melinu fannst í júlí árið 2025 nærri Eagle Lake í bænum Ticonderoga. Fyrir dómi lýsti rétt­ar­mein­ar­fræð­ing­ur­inn, dr. Michael Sikirica, því að lungu, kok og magi stúlkunnar hefðu verið full af svartri leðju, gróðri og seti úr mýr­inni. Hann stað­festi að dán­ar­or­sök hefði ótví­rætt að henni hafi verið drekkt og að vís­bend­ingar væru um að líki hennar hefði verið haldið niðri í hné­djúpu vatn­inu með steini.

Grátbað móður sína um að fara ekki

Kali Galanis, móðir Melinu, kom fyrir dóm­inn og lýsti því að dóttir sín hafa grát­beðið sig um að þurfa ekki að fara í fyr­ir­hug­aða ferð með föður sínum til heima­lands hans, Eþíópíu, fyrr á árinu. Lögmaður móð­ur­innar hafði varað hana við hætt­unni á að Fratt­olin gæti haldið stúlkunni erlendis, og eftir að Melina greindi frá ýmsum ógn­vekj­andi ummælum föð­ur­ins, ákvað móð­irin að banna ferð­ina. Í kjöl­farið var sam­þykkt að ferð­ast þess í stað til New York, sem sak­sókn­arar segja að hafi verið hluti af blekk­ingu föð­ur­ins til að ráða henni bana.

Breytti framburði sínum í þrettán tíma yfirheyrslu

Fratt­olin til­kynnti að dóttir sín væri týnd þann 19. júlí 2025 og hélt því fram að tveir menn á hvítum sendi­ferða­bíl hefðu rænt henni á meðan þau voru á leið heim til Kanada. Hann sagði ránið hafa átt sér stað þegar hann lagði bíl sínum við þjóð­veg­inn til að kasta af sér vatni.

Grunn­semdir vökn­uðu fljót­lega vegna mis­ræmis í sögu hans. Eftir þrettán klukku­stunda yfir­heyrslu við­ur­kenndi Fratt­olin að hafa skipt um föt vegna „svita“. Lögregla telur hins vegar að hann hafi skipt um föt eftir að hafa vaðið út í mýr­ina. Blaut föt hans fund­ust síðar í rusla­poka með­fram milli­ríkja­vegi 87, þeirri leið sem hann ók á leið sinni til Montreal. Þá sýna far­síma­gögn sak­sókn­ara að Fratt­olin var staddur við vatnið þar sem líkið fannst, á þeim tíma sem hann sagði stúlkunni hafa verið rænt.

Neitar sök

Sak­sókn­arar hafa fært rök fyrir því að Fratt­olin hafi talið bæði fyrr­ver­andi eig­in­konu sína og dóttur glíma við geð­ræn vanda­mál og hafi skipu­lagt verkn­að­inn mán­uðum saman. Við rétt­ar­höldin forð­að­ist Fratt­olin að líta á myndir af líki dóttur sinnar en hefur lýst sig sak­lausan. Verj­endur hans halda fast við þá sögu að stúlkunni hafi verið rænt.