Faldi sig í báti eftir að kærastan fannst myrt í bústað

Aðstand­endur konu sem fannst látin í sum­ar­bú­stað í sveit­ar­fé­lag­inu Värmdö í Svíþjóð létu yfir­völd vita af áhyggjum sínum af henni og 33 klukku­stundum síðar var 57 ára gam­all kær­asti hennar hand­tek­inn í vatn­inu eftir að hafa falið sig í bát þar nærri.

Konan átti sum­ar­bú­stað­inn ásamt öðrum manni.

„Þetta er mik­ill harm­leikur og ég finn til með fjöl­skyld­unni. Þetta er sorg­legt,“ sagði með­eig­andi bústað­ar­ins.

Konan starf­aði sem aðal­lög­fræð­ingur hjá fyr­ir­tæki sem lýsti yfir mik­illi sorg vegna and­láts hennar.

„Þetta er hræði­legur harm­leikur og hugs­anir okkar eru hjá aðstand­endum hennar,“ sagði upp­lýs­inga­full­trúi fyr­ir­tæk­is­ins í skrif­legri umsögn til sænska blaðs­ins Afton­bla­det.

Hann bætti við að meg­in­á­herslan væri nú á að styðja sam­starfs­fólk kon­unnar.

„Við vinnum sam­kvæmt þeim verk­ferlum og reglum sem við höfum til að styðja starfs­fólk okkar.“

Kærasti kon­unnar er í haldi lög­reglu, grun­aður um morð á grund­velli sterkra grun­semda. Gert er ráð fyrir að hann verði yfir­heyrður í dag.

Emma Olsson sak­sókn­ari sagði í morgun að ekki væri leitað að fleiri meintum ger­endum.

„Almenn­ingur og íbúar eyj­anna geta nú andað léttar.“