Wolt-sendlar leggja niður störf

Um 60 sendlar hjá heim­send­ing­ar­fyr­ir­tæk­inu Wolt á Íslandi lögðu niður störf tíma­bundið í dag til þess að krefj­ast skýr­inga á veru­legum launa­lækk­unum und­an­farna mán­uði. Sendl­arnir söfn­uð­ust saman fyrir utan skrif­stofur fyr­ir­tæk­is­ins í Ármúla til að koma áhyggjum sínum á fram­færi á frið­sam­legan hátt, eins og greint var frá í frétt RÚV.

Samkvæmt sendl­unum hafa kjör þeirra rýrnað um allt að 40 pró­sent á einu ári. Lág­marks­greiðsla fyrir hverja send­ingu hefur lækkað úr 1.000 krónum niður í 600 krónur. Sendl­arnir benda á að á sama tíma hafi hvorki send­ing­ar­kostn­aður til við­skipta­vina né mat­ar­verð lækkað.

„Við erum að tapa á því“

Gheorhhe Mihai, sem hefur starfað lengi sem send­ill hjá fyr­ir­tæk­inu, segir stöð­una óvið­un­andi. Hann vinnur jafn­að­ar­lega 12 til 13 tíma á dag en dags­laun hans hafa hrapað úr 40–45 þús­und krónum niður í 20–25 þús­und krónur.

Þar sem sendlar hjá Wolt starfa sem verk­takar (oft kallað gervi­verk­taka), þurfa þeir sjálfir að standa straum af öllum til­fallandi kostn­aði eins og elds­neyti, kíló­metra­gjaldi og sköttum. Mihai segir að miðað við núver­andi greiðslur séu þeir hrein­lega að tapa pen­ingum á því að keyra út pant­anir.

Engin réttindi og harðorð gagnrýni

Formlegt rekstr­ar­form Wolt þýðir að sendl­arnir telj­ast ekki vera starfs­menn fyr­ir­tæk­is­ins og eru þeir ekki í stétt­ar­fé­lagi. Þeir búa því við ekk­ert örygg­is­net; þeir eiga engan rétt á veik­inda­dögum, sum­ar­fríi, upp­sagn­ar­fresti eða mót­fram­lagi í líf­eyr­is­sjóð.

Alþýðu­sam­band Íslands (ASÍ) hefur marg­sinnis gagn­rýnt þetta fyr­ir­komu­lag og kraf­ist þess að Wolt geri lög­lega ráðn­ing­ar­samn­inga við sendl­ana og greiði sam­kvæmt íslenskum kjara­samn­ingum.

Fundur fram undan en hótað er verkfalli

Í sam­tali við RÚV vildi upp­lýs­inga­full­trúi Wolt, Christian Kamhaug, ekki veita við­tal en sendi frá sér yfir­lýs­ingu þar sem fram kemur að fyr­ir­tækið taki ábend­ing­unum alvar­lega. Hann hefur boðað sendl­ana á fund fimmtu­dag­inn 24. sept­em­ber. Kamhaug full­yrti auk þess í Kast­ljósi fyrr á árinu að íslenskir sendlar væru þeir hæst­laun­uðu í Evrópu og meðal tíma­kaup þeirra væri um 6.000 krónur.

Sendl­arnir segj­ast vilja vinna með fyr­ir­tæk­inu sem teymi en lofa hörðum aðgerðum ef fund­ur­inn skilar ekki árangri. „Ef það kemur ekk­ert út úr því þá förum við í alvöru verk­fall og ræðum við stétt­ar­fé­lög og lög­regl­una,“ segir Mihai að lokum.