Vísindamenn HÍ leituðu að fólki sem vildi taka við peningum

Teymið að baki VAL-rann­sókn við Háskóla Íslands hefur nú fengið nægi­lega marga til að skrá sig sem mögu­lega við­tak­endur pen­inga­greiðslna í tengslum við rann­sókn­ina. Skrán­ingu við­tak­enda hefur því verið lokað, að því er fram kemur á vef Háskóla Íslands.

Rann­sóknin snýr að mann­legri hegðun og því hvernig fólk tekur ákvarð­anir í dag­legu lífi. Í hluta hennar taka þátt­tak­endur meðal ann­ars ákvarð­anir um hvernig pen­ingum er skipt milli þeirra sjálfra og ókunn­ugrar mann­eskju. Sumar þess­ara ákvarð­ana leiða til raun­veru­legra greiðslna og því þarf raun­veru­legt fólk að vera hinum megin við valið.

Ef til greiðslu kemur nemur upp­hæðin á bil­inu 1.450 til 4.350 krónum. Hvort greiðsla berst og hversu há hún verður ræðst af handa­hófs­vali og ákvörðun þess þátt­tak­anda sem við­tak­and­inn er paraður við. Þátt­tak­and­inn fær engar upp­lýs­ingar um hver við­tak­and­inn er.

Í til­kynn­ingu Háskóla Íslands kemur fram að nægi­lega margir hafi nú skráð sig sem mögu­legir við­tak­endur og því sé ekki lengur tekið við skrán­ingum.

Þátt­tak­endum í aðal­rann­sókn­inni kunna meðal ann­ars að bjóð­ast tíma­bil­skort á afslætti, svo sem strætókort, lík­ams­rækt­ar­kort, sund­kort eða Menn­ing­ar­kort. Sumir geta jafn­framt fengið pen­inga­greiðslur og óskað eftir per­sónu­legri end­ur­gjöf um eigin ákvarð­ana­töku að rann­sókn lok­inni.

Ábyrgð­ar­maður rann­sókn­ar­innar er Tinna Laufey Ásgeirs­dóttir, pró­fessor við Háskóla Íslands.