Kom til Íslands til að sækja skítuga peninga

Alfonso Martinez Mercedes hefur verið dæmdur í fjög­urra mán­aða fang­elsi í Hér­aðs­dómi Reykja­ness fyrir pen­inga­þvætti og til­raun til pen­inga­þvættis. Hann ját­aði brot sín ský­laust fyrir dómi.

Málið var höfðað af Hér­aðs­sak­sókn­ara en sam­kvæmt ákæru kom Alfonso til Íslands frá Þýska­landi í apríl árið 2023 í þeim til­gangi að taka við fjár­munum sem voru ávinn­ingur af refsi­verðri starf­semi og flytja þá með leynd úr landi. Af óþekktum ástæðum varð ekk­ert af þeim flutn­ingi.

Í maí sama ár tók hann hins vegar við 8.000 evrum, sem er rúm milljón króna, í reiðufé frá óþekktum aðila hér á landi og flutti fjár­mun­ina úr landi. Í dómi kemur fram að honum hafi ekki getað dulist að pen­ing­arnir væru ávinn­ingur af sölu og dreif­ingu fíkni­efna eða öðrum refsi­verðum brotum. Til­gang­ur­inn var að leyna upp­runa og eðli fjár­mun­anna.

Alfonso ját­aði brotin og var játn­ing hans metin honum til máls­bóta. Refsing hans var ákveðin fjög­urra mán­aða fang­elsi.

Honum var jafn­framt gert að greiða tæpar þrjár millj­ónir króna í sak­ar­kostnað vegna þókn­unar þriggja verj­enda sem komu að mál­inu.