Stjórnvöld viðurkenndu að skilyrði bryti gegn EES-reglum

Umboðs­maður Alþingis hefur ákveðið að taka ekki til frek­ari athug­unar kvörtun fyr­ir­tækis vegna styrk­veit­inga mennta- og barna­mála­ráðu­neyt­is­ins til rekst­urs bók­legs hluta flug­náms.

Fyr­ir­tækið kvart­aði yfir ákvörðun ráðu­neyt­is­ins um að úthluta ekki styrkjum á grund­velli fyrri aug­lýs­ingar heldur birta nýja aug­lýs­ingu þar sem skil­yrði fyrir styrk­veit­ingum voru þrengd.

Í síð­ari aug­lýs­ing­unni var meðal ann­ars gerð krafa um að umsækj­endur rækju flug­skóla þar sem bæði bók­legur og verk­legur hluti náms­ins væri í boði hér á landi. Fyr­ir­tækið taldi skil­yrðið fela í sér ólög­mæta mis­munun og brjóta gegn grunn­reglum EES-samn­ings­ins.

Við með­ferð máls­ins féllst ráðu­neytið á athuga­semdir fyr­ir­tæk­is­ins um að umrætt skil­yrði sam­ræmd­ist ekki reglum EES-samn­ings­ins.

Umboðs­maður benti jafn­framt á að skil­yrðið hefði ekki komið niður á umsókn fyr­ir­tæk­is­ins. Með hlið­sjón af því taldi hann ekki til­efni til frek­ari athug­unar á kvörtun­inni.

Málinu lauk með bréfi umboðs­manns 12. októ­ber.