Sjö ára stúlka sem særðist í mannskæðri skotárás í grunnskóla í borginni Bend í Oregon-ríki hefur verið flutt af gjörgæsludeild. Fjölskylda hennar greindi frá þessu í yfirlýsingu í gær.
Stúlkan, Saylor Graham-Poarch, var flutt á sjúkrahús í lífshættu eftir að 16 ára fyrrverandi nemandi hóf skothríð í Silver Rail-grunnskólanum 15. október. Að sögn fjölskyldunnar er ástand hennar nú stöðugt, en hún á langt bataferli fyrir höndum.
„Hún á langt bataferli fram undan og núna viljum við fyrst og fremst vera hjá henni í gegnum það,“ sagði fjölskyldan.
Fjögur létust í árásinni
Þrjú börn, fimm, átta og ellefu ára, og 25 ára kennari, Megan Lambert, létust í árásinni. Skotmaðurinn lést einnig.
Fjölskylda stúlkunnar lýsti yfir þakklæti fyrir bata hennar en minntist jafnframt þeirra sem létust og aðstandenda þeirra.
„Þótt við séum þakklát fyrir framfarir Saylor er hjarta okkar brostið vegna fjölskyldna barnanna þriggja og kennarans sem voru drepin. Við hugsum hlýlega til þeirra og syrgjum með þeim,“ sagði í yfirlýsingunni.
Fjölskyldan þakkaði einnig öllum þeim sem hefðu sent kveðjur, sýnt stuðning og beðið fyrir stúlkunni.
„Við getum ekki svarað öllum persónulega, en viljum að þið vitið að hvert einasta hlýlegt orð, hver bæn og hvert stuðningsmerki skiptir okkur meira máli en við fáum lýst.“
Fjölskyldan þarf aðstoð við kostnað vegna batans
Fjölskyldan hefur jafnframt stofnað söfnun á GoFundMe-vefsíðunni til að mæta kostnaði vegna bataferlis stúlkunnar og þeim tíma sem aðstandendur þurfa að verja með henni.
„Umfram allt biðjum við ykkur að hafa Saylor í huga og biðja fyrir henni á meðan hún nær sér. Við erum óendanlega þakklát
Athugasemdir