Eins og margir höfðu spáð fyrir hefur Jens Garðar Helgason, þingmaður Sjálfstæðisflokksins, nú tilkynnt um framboð sitt til varaformanns flokksins en Þórdís Kolbrún Reykfjörð Gylfadóttir gaf það út fyrir þónokkru að hún myndi ekki sækjast eftir endurkjöri í embættið.

Framboð Jens er enn eitt merki þess að sjávarútvegurinn sé að reyna taka yfir Sjálfstæðisflokkinn að fullu. Tengslin þar á milli hafa alltaf verið sterk í gegnum árin og þarf ekki að leita lengi til að finna djúpan vinskap milli fyrrverandi ráðherra flokksins og kvótakónga undanfarna áratugi en verði Jens og Áslaug Arna Sigurbjörnsdóttir varaformaður og formaður Sjálfstæðisflokksins gæti hann allt eins breytt merki sínu í mynd af Guðbjörgu Matthíasdóttur útgerðarkonu.

Forvitnilegt verður að sjá hvað gestir landsfundar gera þegar kosið verður í embættin. Möguleikarnir, eins og staðan er í dag, eru „stétt með stétt“ eða draumur Guðbjargar …