Tafir hafa orðið á flugi á Kanaríeyjum eftir að starfsmenn flugvalla hófu verkfallsaðgerðir sem hafa áhrif á marga af stærstu flugvöllum Spánar en greint er frá þessu í spænskum fjölmiðlum.

Verkfallið nær til starfsmanna hjá Groundforce, sem sinnir þjónustu fyrir fjölda alþjóðlegra flugfélaga, þar á meðal frá Bretlandi.

Aðgerðirnar eru skipulagðar af verkalýðsfélögum á einni annasamustu ferðatímabili ársins, páskahátíðinni, vegna deilu um laun og starfskjör. Verkfallið nær til tólf flugvalla víðs vegar um landið, þar á meðal á Kanaríeyjum: Tenerife, Lanzarote og Fuerteventura

Samkvæmt fulltrúum verkalýðsfélaga hafa tafir þegar komið fram á Kanarí, meðal annars vegna þess að farangur hefur ekki komist með flugum. Mest röskun hefur þó verið á flugum um stærri flugvelli á meginlandi Spánar.

Þrátt fyrir að lágmarksþjónusta upp á 60% hafi verið tryggð, vara verkalýðsfélög við því að ástandið geti versnað þegar líður á daginn, þar sem tafir safnast upp og hafa áhrif á síðar áætlað flug.

Farþegum sem hyggjast ferðast til eða frá Kanaríeyjum á næstu dögum er ráðlagt að gera ráð fyrir seinkunum, mögulegum vandræðum með innritaðan farangur og lengri biðtíma á flugvöllum. Verkfallið hefur ekki ákveðinn lokadag og gæti því haft áhrif á flugsamgöngur alla páskahátíðina.

Ferðalöngum er ráðlagt að fylgjast vel með upplýsingum frá flugfélögum sínum áður en haldið er af stað og mæta tímanlega á flugvöll.