Lögreglan sinnti fjölmörgum verkefnum í nótt og í gærkvöldi víðs vegar um höfuðborgarsvæðið. Málin tengdust meðal annars innbrotum, líkamsárásum og akstri undir áhrifum vímuefna.

Tilkynnt var um brotist hefði verið inn í húsnæði. Málið er til rannsóknar hjá lögreglu, en ekki liggja fyrir frekari upplýsingar að svo stöddu.

Í Árbænum stöðvaði lögregla ökumann sem reyndist vera undir áhrifum bæði áfengis og fíkniefna. Þá kom í ljós að viðkomandi var án ökuréttinda. Í sama hverfi voru einnig tveir menn handteknir vegna gruns um líkamsárás og húsbrot. Þeir voru vistaðir í fangaklefum lögreglu.

Í Breiðholti var annar ökumaður stöðvaður, einnig undir áhrifum fíkniefna og án ökuréttinda. Við leit fannst fíkniefni í fórum mannsins.

Lögreglu barst jafnframt tilkynning um grunsamlegar mannaferðir í Garðabæ. Þegar lögregla kom á vettvang var maðurinn á bak og burt og fannst ekki þrátt fyrir leit.

Þá stöðvaði lögregla ökumann 5 sem reyndist vera undir áhrifum fíkniefna.

Að lokum voru tveir aðilar handteknir í miðbænum vegna líkamsárásar. Þeir voru vistaðir í fangaklefum lögreglu