Staða skólastjóra Víðistaðaskóla er nú í ráðningaferli en alls bárust sjö umsóknir um stöðuna. Þetta kemur fram í tilkynningu frá Hafnarfjarðarbæ.

Ráðið verður í stöðuna frá 15. júlí næstkomandi eða eftir nánara samkomulagi.

Skólastjóri Víðistaðaskóla lét af störfum í mars og færði sig yfir í annað starf, í kjölfar þess að starfsfólk hafði í nóvember gert alvarlegar athugasemdir við störf hennar.