Valdís Magnúsdóttir og Jóhann Alfreð Kristinsson, einn fyndnasti maður Íslands, hafa tekið ákvörðun um að setja raðhús sitt í Mosfellsbæ á sölu en þau búa þar með börnum sínum.

Um er að ræða mjög fallegt og vel skipulagt endaraðhús á einni hæð með innbyggðum bílskúr á glæsilegum útsýnisstað. Eignin skiptist í þrjú svefnherbergi, baðherbergi, þvottahús, bílskúr, geymslu, forstofu, eldhús, stofu og borðstofu. Gott geymsluloft er í bílskúr. Mikil lofthæð er í húsinu. Stórt steypt bílaplan með snjóbræðslu er við húsið og hleðslustöð fyrir rafmagnsbíl fylgir með. Mjög stór timburverönd með heitum potti prýðir lóðina.

Eignin er 160 m2 og vilja þau fá 127.500.000 krónur fyrir húsið.