Katrín M. Guðjónsdóttir hefur beðist lausnar frá starfi aðstoðarmanns borgarstjóra Reykjavíkur, eftir einungis tæpa þrjá mánuði í starfi. Ágúst Ólafur Ágústsson tekur við keflinu af Katrínu.

Þann 19. mars síðastliðinn var tilkynnt að Katrín M. Guðjónsdóttir hefði verið ráðin aðstoðarmaður Heiðar Bjargar Hilmarsdóttur borgarstjóra.

Í dag barst hins vegar fréttatilkynning þess efnis að Ágúst Ólafur Ágústsson, fyrrverandi varaformaður Samfylkingarinnar, hefði verið ráðinn í stað Katrínar, sem bæðist lausnar frá starfinu.

Mannlíf heyrði í Katrínu og spurði hana hvers vegna hún hefði ákveðið að stíga til hliðar.

„Ég taldi bara tímabært að stíga frá borði og baðst lausnar og geri það í góðri sátt við borgarstjóra.“

Impruð eftir því hvers vegna hún hafi hætt eftir svo stuttan tíma svaraði Katrín:

„Ég taldi bara strategískri stefnu væri miðað áfram frá mér til þeirra og nú gæti pólitíkin tekið við. En svona er þetta oft þegar maður fer í eitthvað nýtt, en ég taldi verkefni mínu lokið.“

En hvað tekur við hjá Katrínu?

„Já, við taka spennandi verkefni sem ég ætla ekki að tjá mig um á þessari stundu en það eru spennandi tímar framundan hjá mér.“