Leikarinn og kvikmyndagerðarmaðurinn Magnús Magnus Magnússon hefur stofnað fyrirtækið MagCom ehf. en greint frá þessu í Lögbirtingablaðinu.

Hann er framkvæmdastjóri félagsins og fer með prókúruumboð. Þá er hann einnig stjórn félagsins. Carly Vaughn Zieminski er varamaður hans í stjórn.

„Þetta fyrirtæki mun einbeita sér að ráðgjafarstörfum, tilfallandi verkefnum, viðskiptaþróun og stefnumótandi samstarfi á alþjóðavísu, auk vinnu fyrir framan myndavél í afþreyingariðnaðinum,“ segir um tilgang félagsins.

Magnús komst í fréttirnar í byrjun 2017 eftir að persóna í áramótaskaupinu 2016 var alnafni hans og kunni sá ekki að klappa í takt við þjóðina.

„Ég heiti Magnús Magnus Magnússon. Pabbi hét Magnús og ég heiti Magnús sem gerir mig þar af leiðandi að Magnúsi Magnússyni. Ég var orðinn svo þreyttur á að vera ruglað saman við Magnús [Ver] Magnússon, sterkasta mann heims, já það gerist!, svo ég tók upp millinafnið Magnus. Það batt enda á þennan misskilning,“ útskýrir Magnús Magnus í viðtali við Nútímann þegar hann var spurður út í nafnið en á þeim tíma bjó hann í Bandaríkjunum og starfaði í kvikmyndabrasanum þar meðal annars fyrir Ellen DeGerneres.