Blaðið er smekkfullt af æðislegum innlitum og smart vörum fyrir heimilið. Nýr veitingastaður í Hafnarfirði prýðir líka síður blaðsins og Ýr Þrastardóttir fatahönnuður sem hannaði föt íslenska Eurovision hópsins ljóstar upp óskalistanum sínum. Mynd eftir hönnuð eða listamann fylgir alltaf Hús og híbýli og að þessu sinni var það Sigga Rún teiknari sem gerði mynd af svartþresti sem er að vekja mikla lukku.
Ljósmyndarar blaðsins taka ógrynni ljósmynda fyrir blaðið og þar sem þær komast ekki allar í blaðið er tilvalið að birta nokkar þeirra hér á mannlífsvefnum.
Við heimsóttum myndlistarkonuna Áslaugu Írisi Katrínu Friðjónsdóttur sem býr í rótgrónu hverfi í Kópavogi með útsýni yfir Öskuhlíðina.
Við kíktum líka á vinnustofuna til Áslaugar og fengum að mynda verk í vinnslu sem var áhugavert.
Við tjörnina í Reykjavík standa nokkur, gömul, sjarmerandi hús og eitt þeirra var nýlega endurgert. Þetta reisulega timburhús sem birtist í júníblaði Húsa og híbýla var byggt árið 1907, það var stækkað og því breytt árið 1953 og núna nýlega var það endurgert af Gláma Kím arkitektum. Eldhúsinnréttingin er fagurblá á litinn, stofuveggirnir eru í gulum tón og allt húsið er ofboðslega fallegt og vel heppnað.
Tinna Gilbertsdóttir sölustjóri hjá Iceland Seafood og Vilhjálmur Svan verslunarstjóri Herragarðsins eiga mjög smart heimili á besta stað í bænum. Við mynduðum þetta skemmtilega heimili en Tinna segir að hönnun þess sé skemmtilegt eilífaðar verkefni.
Við heimsóttum Birgittu Líf Björnsdóttur sem á töff íbúð í skuggahverfinu.
Kíktum líka á Sigurbjörgu Pálsdóttur sem býr í gamalli vindlaverksmiðju í Belgíu og ljósmyndarann Kára Sverrisson sem býr í tveimur löndum.
Ekki missa af þessu flotta blaði!
Myndir: Aldís Pálsdóttir, Heiðdís Guðbjörg Gunnarsdóttir, Nanne Springer
Þessi flotta mynd var tekin heima hjá Hönnu Stínu innanhússarkitekt sem býr í geggjuðu húsi í Hafnarfirði. Litríkt og öðrvísi heimili sem gaman var að heimsækja.
Athugasemdir