Besti sushi-staður í heimi missir Michelin-stjörnurnar

Suki­ya­bashi Jiro, þekktur sem besti sushi-staður í heimi, hefur misst Michelin-stjörn­u­rnar sínar þrjár. Ástæðan er ekki sú að dregið hafi úr gæð­unum, heldur nýtur stað­ur­inn svo mik­illa vin­sælda að hann hefur hætt að taka við bók­unum frá almenn­ingi og upp­fyllir þar með ekki lengur kröfur Michelin-veit­ingarýn­is­ins.

Stað­ur­inn komst m.a. í sviðs­ljósið þegar Barack Obama, þáver­andi Banda­ríkja­for­seti, og Shinzo Abe, for­sæt­is­ráð­herra Japan, snæddu þar saman árið 2014. Obama sagði um að ræða besta sushi sem hann hefði smakkað en hann náði þó ekki að kom­ast í gegnum alla rétt­ina sem leið­tog­unum voru ætl­aðir, sem voru 20 tals­ins.

Eigandi Suki­ya­bashi Jiro, Jiro Ono, er kom­inn vel á níræð­is­aldur en stendur enn vakt­ina í eld­hús­inu, ásamt elsta syni sínum. Fjallað var um stað­inn og fjöl­skyld­una í heim­ild­ar­mynd­inni Jiro Dreams of Sushi, sem m.a. var sýnd á Netflix.

Stað­ur­inn tekur aðeins 10 í sæti og í dag þarf maður annað hvort að vera fasta­gestur, hafa góð sam­bönd, eða bóka í gegnum lúx­us­hótel til að fá pláss við borðið hans Jiro.

Michelin-staðir eru hvergi fleiri í heim­inum en í Tokyo, eða 226 tals­ins. Ellefu eru með þrjár stjörnur og þrír af þeim hafa haldið stjörn­unum sínum 13 ár í röð.