Ostakaka sem er nógu holl til að borða í morgunmat

Unnur Guðrún Páls­dóttir, sem oft­ast er kölluð Lukka, elskar að setja saman hollan og góðan mat sem stuðlar að heil­brigðum lífs­stíl. Hún deildi upp­skrift að þess­ari góm­sætu osta­köku með les­endum Vikunnar árið 2017.

„Ég baka alltof sjaldan og ber kakan sem ég bak­aði fyrir Vikuna þess merki því hana þarf alls ekki að baka heldur frekar að setja saman. Ég hef alltaf verið mun meira fyrir mat en kökur enda vel ég oft kökur sem inni­halda hrá­efni sem er frekar að finna í mat, líkt og hnetur og jógúrt. Þessi kaka er til dæmis alveg nógu holl til að geta verið fyr­ir­mynd­ar­morg­un­verður.“

Á kakan sem þú bak­aðir ein­hverja sögu? „Þessi kaka kemur upp­haf­lega frá Þórunni Steins­dóttur, vin­konu minni, sem gerði þessa upp­skrift fyrir heima­síð­una Máttur mat­ar­ins sem hún hélt úti um ára­bil þar til við skrif­uðum bók með sama nafni um mátt mat­ar­ins og settum upp­á­halds­upp­skriftir Þórunnar ásamt nokk­urri við­bót frá Happ í fræð­andi bók um mat sem getur bætt heilsu og líðan. Ég hef síðan breytt upp­skrift­inni örlítið, aðlagað hana að mínum stíl, þar sem ég vil fá meira bragð og minni sætu svo ég skipti hun­angi út fyrir chili og sjáv­ar­salt.“

OSTAKAKA FYRIR MJÖG SÉRSTÖK TILEFNI

Bæði holl og ótrú­lega góð.

BOTNINN

300 g ferskar, mjúkar döðlur, stein­hreins­aðar
300 g brasilíuhnetur
3 msk. möndlu­smjör
2 msk. kókosolía
1 tsk. vanillu­duft eða -dropar
2 tsk. acai-duft
salt á hnífsoddi

KAKAN

2 dl mascarpone-ostur
3 dl lífræn grísk jógúrt
3 msk. hun­ang
½ tsk. vanillu­duft eða -dropar
2 dl hind­ber eða brómber
hand­fylli myntu­lauf
1-2 tsk. hamp­fræ

Maukið allt hráefnið í botn­inn saman í mat­vinnsluvél og setjið það í kökuform. Þrýstið deig­inu vel niður í formið. Þeytið mascarpone-ost­inn og hun­angið í 1-2 mínútur. Blandið síðan grísku jógúrtinni saman við. Hellið yfir botn­inn og skreytið með berjum og myntu­laufum. Stráið hamp­fræjum yfir.

Umsjón / Sjöfn Þórð­ar­dóttir
Myndir / Aldís Páls­dóttir