Ananaskokteilkaka sem gælir við bragðlaukana

Piña colada er sætur drykkur með suð­rænni sveiflu sem sam­anstendur af rommi, kókos­mjólk og ananassafa. Hann hefur verið þjóð­ar­drykkur í Púertó Ríkó síðan árið 1978 og hann er til­val­inn sem fyr­ir­mynd að veg­legri köku. Gómsæt og frá­bær upp­skrift fyrir metn­að­ar­fulla sæl­kera.

Ananas-Pina Colada-kaka

fyrir 12-16

BOTNAR
500 g hveiti
2 tsk. lyfti­duft
1½ tsk. mat­ar­sódi
1 tsk. salt
225 g smjör
450 g sykur
1 msk. romm eða 2 tsk. romm­dropar
4 egg, við stofu­hita
5 dl ab-mjólk

Hitið ofn­inn í 180°C og smyrjið þrjú 22-24 cm köku­form. Sigtið saman hveiti, lyfti­duft, mat­ar­sóda og salt og hrærið. Þeytið smjör og sykur saman þar til létt og loft­kennt, 3-4 mín. Bætið eggj­unum saman við, einu í einu, og þeytið vel á milli. Bætið við romm­inu eða romm­drop­unum. Minnkið hrað­ann og bætið við helm­ingnum af þurr­efn­unum og þeytið þar til allt hefur sam­lag­ast deig­inu. Hellið ab-mjólk­inni út í og þeytið þar til allt hefur bland­ast vel saman. Bætið við afgang­inum af þurr­efn­unum og hrærið þar til allt hefur rétt svo sam­lag­ast. Klárið að blanda allt saman með sleikju. Skiptið deig­inu á milli þriggja forma, u.þ.b. 600 g í hvert form. Bakið í ofni þar til köku­prjónn kemur hreinn út þegar honum hefur verið stungið í miðju kök­unnar, 20-30 mín. Látið kólna í form­inu í 15 mín. og takið síðan botn­ana úr formunum og látið kólna alveg á köku­grind. Setjið einn botn á hvolf ofan á köku­disk, smyrjið topp­inn og hlið­arnar með smá­vegis kremi til að rétt þekja botn­inn og setjið hluta af krem­inu í krem­poka og sprautið þykkri rönd með fram ystu hlið botns­ins, setjið ananassult­una ofan á og leggið annan botn ofan á og end­ur­takið. Setjið síð­asta botn­inn á hvolf ofan á og hyljið alla kök­una með þunnu lagi af kremi. Setjið kök­una inn í kæli í 30 mín. og smyrjið svo afgang­inum af krem­inu á kök­una. Skreytið kök­una með ofn­ri­st­uðum kókos­flögum og kókos­mjöli.

ANANASSULTA
3 litlar dósir hakk­aður ananas
100 g sykur
1 msk. romm, má sleppa
1 msk. maís­sterkja
½ dl vatn

Setjið hakk­aðan ananas og safann úr dósinni ásamt sykri og rommi í lít­inn pott og setjið yfir með­al­háan hita. Hrærið til að leysa syk­ur­inn upp og náið upp hægri suðu. Sjóðið í 5-10 mín. eða þar til ananas­inn mýk­ist. Hrærið saman maís­sterkju og vatn í lít­illi skál til að leysa sterkj­una upp. Hrærið saman við sult­una og látið malla í 5 mín. til við­bótar. Hellið sult­unni í skál og látið kólna.

KREM
190 g eggja­hvítur (úr 5-6 eggjum)
250 g sykur
400 g smjör, skorið í bita
1 msk. romm eða 1 tsk. romm­dropar
2 msk. kókosrjómi

Hrærið saman eggja­hvítur og sykur í hita­þol­inni skál og setjið síðan skál­ina yfir pott með hæg­sjóð­andi vatni (passið að botn­inn á skál­inni snerti ekki vatnið). Eldið eggja­hvít­urnar og syk­ur­inn yfir vatns­baði þar til syk­ur­inn hefur leyst upp og blandan verður seig­fljót­andi og heit. Takið skál­ina af pott­inum og hellið í hræri­vél­ar­skál. Notið pískinn á hræri­vél­inni og þeytið þar til stífir toppar mynd­ast og blandan hefur náð stofu­hita, þetta gæti tekið allt að 10 mín. Skiptið písk­inum út fyrir spaða og bætið smjör­inu saman við, einum bita í einu, hafið vél­ina á með­al­hraða. Ef kremið lítur út fyrir að hafa skilið sig er nóg að auka við hrað­ann á vél­inni þar til kremið hefur sam­lag­ast aftur. Þegar öllu smjör­inu hefur verið bætt saman við er rommi og kókosrjóma hellt út í skál­ina og öllu blandað vel saman. Geyma má kremið inni í ísskáp í allt að 3 daga en það þarf að ná stofu­hita aftur áður en því er smurt á kök­una.

SKRAUT
1½ dl kókos­flögur
1½ dl kókos­mjöl

Hitið ofn í 180°C. Dreifið úr kókos­flögum í litlu eld­föstu formi og gerið það sama við kókos­mjölið í öðru formi, passið vel því að kókos­mjölið brúnast fljótt. Bakið í ofni í 5-10 mín., eða þar til kókos­inn er orð­inn fal­lega gylltur. Takið úr ofn­inum og látið kólna

Texti/Nanna Teits­dóttir
Stílisti/Hanna Ingi­björg Arn­ars­dóttir