Tók stökkið og lét drauminn rætast

Sandra Ósk Jún­í­us­dóttir er ung lista­kona sem útskrif­að­ist fyrir ekki alls löngu með diplóma í mynd­skreyt­ingu frá skóla í Danmörku. Hún not­ast mikið við vatns­liti í verkum sínum og segir að þeir gefi verk­unum mikið líf og oft og tíðum óvænta og skemmti­lega nið­ur­stöðu.

„Ég hef mikið unnið með vatns­liti en hef einnig reynt fyrir mér með akrýlliti. Ég elska að vinna með marga liti og vatns­litir finnst mér virka ótrú­lega vel í því sam­hengi þar sem lit­irnir nán­ast lifna við og maður veit aldrei akkúrat hvernig loka­út­koman verður. Mér finnst gaman að nota litlar fígúrur, hvort sem það eru dýr eða furðu­verur í verk­unum mínum og reyni ég alltaf að fanga nota­lega stemn­ingu,“ segir Sandra.

Hún seg­ist elska alla liti en finnst skemmti­leg­ast að vinna með hlið­stæða liti, sam­spil dökkra og ljósra lita og tekur fram að hún vinni aðal­lega með mjúkar línur og form. En hvernig kom til að hún ákvað að fara að læra mynd­skreyt­ingu?
„Ég hafði lengi haft áhuga á listum og teikn­ingu en lét aldrei verða neitt úr því í fyrstu. Eftir mikla sál­ar­skoðun komst ég þó að því að hug­myndin um að vera lista­kona hafði alltaf blundað í mér. Ég ákvað að láta slag standa og fara í mynd­skreyt­ing­ar­nám í smá­bænum Viborg í Danmörku, sem var frá­bær upp­lifun og listin hefur átt hug minn allan síðan þá.“

Hefurðu alltaf haft mik­inn áhuga á að teikna og mála? „Ég var síföndr­andi sem barn. Til dæmis varði ég meiri tíma í að dásama káp­urnar á barna­bókum og mynd­irnar heldur en endi­lega að lesa þær, þó að ég sé víð­lesin núna.“

Í dag sækir Sandra aðal­lega inn­blástur í nátt­úr­una en einnig í flotta lista­menn sem hún fylgist með á net­inu. „Þetta eru bæði ein­stak­lingar sem eru með svip­aðan stíl og ég og svo fólk með allt aðra sýn. Svo er ég svo heppin að þekkja margt hæfi­leik­a­ríkt fólk sem ég sæki inn­blástur til.“

Hún seg­ist vinna mest sjálf­stætt en hún taki einnig að sér nokkur auka­verk­efni, til dæmis við hönnun og umbrot á dag­skrám eða kynn­ing­ar­bæk­lingum. Hún bætir við að að best sé að hafa sam­band við hana í gegnum Instagram­síð­una hennar eða með því að senda tölvu­póst á [email protected], hvort sem fólk vill nálg­ast verk eftir hana eða hefur áhuga á sam­starfs­verk­efni eða verki fyrir þóknun.

Myndir / Hallur Karlsson