Biskup íhugi stöðu sína

„Þetta er bara vald­níðsla og stenst enga skoðun. Þjóð­kirkjan hefur brotið allar reglur og allur trún­aður til bisk­ups eða yfir­stjórnar kirkj­unnar er brost­inn. Þetta getur ekki undir nokkrum kring­um­stæðum talist trún­að­ar­brot og því síður að honum sé vikið úr starfi út frá því. Engar nýjar reglur um upp­sögn presta hafa verið sam­þykktar og því gilda eldri reglur. Þannig er það og kirkjan verður að starfa eftir starfs­reglum. Það þýðir ekki fyrir kirkj­una að segja upp starfs­manni fyrir að fylgja ekki reglum þegar hún sjálf fer ekki eftir reglum. Biskup hefur sann­ar­lega ekki staðið við starfs­reglur í þessu máli og þarf einnig að rök­styðja þá full­yrð­ingu að séra Skírnir hafi brotið starfs- og siða­reglur kirkj­unnar,“ segir Halldór Gunn­ars­son, fyrr­ver­andi sókn­ar­prestur í Holti, um brott­vikn­ingu séra Skírnis úr emb­ætti.

Aðspurður um hvort hann telji eðli­legt að biskup end­ur­skoði ákvörðun sína hefur hann þetta um málið að segja: „Þessi staða er svo alvar­leg að biskup þarf að horfa í eigin barm og svo alvar­leg að biskup þarf að íhuga stöðu sína. Það er ekk­ert öðru­vísi. Það ætti að vera þannig að ef ein­hver ætti að kunna að hegða sér þá sé það kirkjan. Þetta er svo yfir­gengi­leg vald­níðsla og svo algjör­lega yfir mig gengið að yfir þessu get ég ekki þagað. Þarna er verið að brjóta á einum af mínum bræðrum og ég get ekki sætt mig við það á nokkurn máta. Mér finnst þetta alveg út í hött.“

Sjá einnig: Upp­ljóstr­ar­inn sem bisk­upinn rak