Hús og híbýli uppselt hjá útgefanda

Rit­stjóri Húsa og híbýla segir ánægju­legt að skynja hvað Íslend­ingar eru áhuga­samir um hönnun og listir, en nýjasta tölu­blað tíma­rits­ins er upp­selt hjá útgef­anda.

Hanna Ingi­björg Arn­ars­dóttir, rit­stjóri Húsa og híbýla.

„Þetta er auð­vitað mjög skemmti­legt, þótt þetta sé vit­an­lega ekki eins­dæmi,“ segir Hanna Ingi­björg Arn­ars­dóttir, rit­stjóri Húsa og híbýla, í ljósi þeirra tíð­inda að nýjasta tölu­blað tíma­rits­ins er nú orðið upp­selt hjá útgef­enda.

Aðspurð út í þessar góðu við­tökur seg­ist Hanna telja að þær megi meðal ann­ars rekja til þess hversu lit­ríkt, fjöl­breytt og sum­ar­legt blaðið sé þar sem bústaðir og hús í sveit­inni eru þemað að þessu sinni. „For­síðu­inn­litið er líka ólíkt því sem fólk á að venj­ast, ein­stak­lega frum­legt og flott, og það vekur eðli­lega for­vitni, enda finnst mér Íslend­ingar vera miklir fag­ur­kerar sem fylgj­ast vel með og leggja tölu­vert upp úr því að gera heim­ili sín fal­leg, hvort sem er heima eða í sveit­inni. Innihald blaðs­ins höfðar bara til fólks. Svo finnst mörgum orðið kær­komið að fá smá hvíld frá Netinu og finna þá ró sem fylgir því að lesa tíma­rit, ég tala nú ekki um vandað tíma­rit eins og Hús og híbýli,“ segir hún glað­lega.

Hanna hef­urðu rit­stýrt Húsum og híbýlum frá árinu 2019 og segir gaman að skynja hvað Íslend­ingar eru upp til hópa vel að sér í hönnun og listum. „Þeir grípa alla tísku­strama í heim­inum en þó finnst mér sá hópur fara sífellt stækk­andi sem vill gera eitt­hvað óvana­legt og skapa sinn per­sónu­lega stíl. Það vilja ekk­ert allir fylgja tísku­straumum, þótt þeir séu auð­vitað skemmti­legir. Fólk er óhrædd­ara við að fara sínar eigin leiðir. Það er líka orðið við­ur­kennd­ara en áður,“ segir hún og bætir við að eitt af því ánægju­leg­asta sem hafi fylgt starfi hennar sem rist­jóra sé að átta sig á hvað stór hluti Íslend­inga er list­hneigður.

„Maður sér það oft á inn­lit­unum á heim­ili fólks hversu margir hafa áhuga á list og eru að safna verkum, ekki bara eftir þekkta lista­menn heldur eftir lista­menn sem eru ungir og upp­renn­andi. Það hefur mér þótt gaman að sjá.“

Þess má geta að þótt nýjasta tölu­blað Húsa og híbýla sé upp­selt hjá útgef­anda, sem einnig gefur út Mannlíf, Vikuna og Gest­gjafann, má enn nálg­ast ein­tök í ákveðnum versl­unum og hægt er að nálg­ast blaðið með raf­rænni áskrift, fyrsta mán­uð­inn frítt. Nýtt tölu­blað kemur í versl­anir 24. júlí, þar verða bústaðir og hús í sveit­inni einnig í for­grunni.