Icelandair frestar aftur hlutafjárútboði

Icelandair flug­fé­lagið hefur aftur frestar boð­uðu hluta­fjár­út­boði til bjargar félag­inu. Það átti að fara fram í júní síð­ast­lið­inn en var frestað fram í ágúst. Í gær til­kynnti félagið svo um aðra frestun og segir stefnt að því að útboðið fari fram í sept­em­ber.

Hlut­hafar fyr­ir­tæk­is­ins þurfa að sam­þykkja þessa nýju frestun og því verður kallað til nýs hlut­hafa­fundar Icelandair á næstu dögum. Stjórn­endur von­ast til að geta safnað tæpum 25 millj­örðum íslenskra króna í útboð­inu.

„Icelandair Group stefnir að því að selja nýja hluti fyrir 20 millj­arða króna að nafn­verði á geng­inu 1 króna á hlut. Komi til umfram­eft­ir­spurnar í hluta­fjár­út­boð­inu, myndi stjórn félags­ins hafa heim­ild til að auka hlutafé enn frekar um allt að 3 millj­arða þannig að stærð útboðs­ins yrði að hámarki 23 millj­arðar króna,“ segir í til­kynn­ingu sem Icelandair sendi frá sér í gær.

Áður hefur Mannlíf greint frá því að flug­fé­lagið hafi bæði lokið öllum sam­ingum við lána­drottna félags­ins og Boeing flug­véla­fram­leið­and­ann vegna hinna göll­uðu MAX-véla. Þá tókst á end­anum að semja við alla flug­stéttir félags­ins eftir harða bar­áttu við flug­freyjur. Icelandair segir að við­ræður við íslensk stjórn­völd um lána­línu með rík­is­á­byrgð séu á loka­stigi. Þegar hertar hafa verið sótt­varn­ar­reglur verð­andi komur ferða­manna til lands­ins er útlit fyrir að flug­fé­lagið þurfi nauð­syn­lega að leita á náðir rík­is­ins með lánsfé. Samþykki stjórn­völd slíka lána­línu stefnir Icelandair á að birta fjár­festa­kynn­ingu á næstu dögum.