Arnar ósáttur við kollegana – Óvíst hvort karókí sé rót COVID-bylgjunnar

Arnar Þór Gíslason, einn eig­enda Irishman Pub í mið­bænum, er ósáttur við þá veit­inga­menn sem vilja ekki gefa upp að staðir þeirra tengj­ast Covid-smitum í þriðju bylgju far­ald­urs­ins hér­lendis. Fjöldi ábend­inga hafa borist Mannlíf um að karókígræja sé söku­dólgur hóps­smits á stað Arnars og kann­ast eig­and­inn við umræðu þess efnis.

Aðspurður segir Arnar Þór hóp­inn vissu­lega hafa farið í karókí en það hafi hins vegar ekki verið sýnt fram á að græjan sú sé söku­dólgur hópsmits­ins. Hann er frekar á því að hóp­ur­inn hafi smit­ast á öðrum veit­inga­stað. „Það var hópur þetta kvöld sem var líka á öðrum veit­inga­stöðum. Sá hópur kom svo til mín og ég held að hóp­ur­inn hafi komið smit­aður inn til mín. Það voru hópar á undan og eftir þessum sem fór í karókí og þar hefur ekk­ert smit greinst. Það veit því eng­inn hvort þetta hafi átt sér stað inní karíókí-her­berg­inu, af sal­ern­is­hurð­inni eða yfir­höfuð komið allir smit­aðir inn til mín,“ segir Arnar Þór.

Búið er að tengja um 90 covid-smit við Irishman Pub og Brewdog í mið­borg­inni.

Veit­inga­stað­ur­inn Irishman Pub er Covid-19 stað­ur­inn í mið­borg­inni sem fjöldi fólks hefur smit­ast á en stað­ur­inn er alls ekki sá eini sem teng­ist hópsmitum síð­ustu daga. Fjöldi þeirra smita sem tengd hafa verið við stað Arnars tengj­ast aðal­lega þessum einum hópi gesta og hann segir alveg eins lík­legt að hóp­ur­inn hafi komið smit­aður til sín af öðrum stöðum. Hann er pirr­aður útí kollega sína fyrir feimn­ina að vilja ekki gefa upp hvaða staðir tengj­ast smit­unum und­an­farið. „Mér þótti ekk­ert annað en sjálf­sagt mál að gefa upp nafn stað­ar­ins til að hjálpa á meðan aðrir staðir neita að gefa upp nöfnin sín. Fyr­ir­tækið sem hóp­ur­inn teng­ist hefur heldur ekki gefið upp nafn sitt. Upp­runinn á sér vana­lega ekki stað inni á stöð­unum. Mér finnst það for­kast­an­legt og eig­in­lega dóna­skapur gagn­vart við­skipta­vin­unum að hinir veit­inga­stað­irnir neiti að gefa upp nöfnin,“ segir Arnar Þór.