Sjáðu málverk Jóa Fel: „Er þetta fokking lífið?“

Bakarinn Jóhannes Felixson virð­ist vera að mála sig útúr þeim erf­ið­leikum sem að honum steðja þessa dag­ana. Fyrst missti hann bak­arískeðju sína nýlega í gjald­þrot og í gær fór glæsi­hús hans í Garða­bænum á upp­boð.

„Er þetta fokk­ing lífið? Koma svo,“ spyr Jói Fel undir einni af mynd­unum sínum sem hann sýnir og aug­lýsir til sölu á Twitter. Hann hefur nú þegar selt ein­hverjar myndir og fær mörg hrós fyrir verk sín af þeim sem tjá sig undir færslur bak­ar­ans.

Það er skammt stórra högga á milli hjá bak­ar­anum Jóhann­esi Fel­ix­syni, eða Jóa Fel. Bak­arískeðja hans var úrskurðuð gjald­þrota 23. sept­em­ber síð­ast­lið­inn og í vik­unni fór glæsi­hús bak­ar­ans við Mark­ar­flöt í Garðabæ á upp­boð.

Það var Lands­bank­inn sem krafð­ist þess að húsið yrði selt á upp­boði en Jói Fel átti sjálfur 60 pró­senta eign­ar­hlut í hús­inu. Bak­arískeðja Jóa Fel var úrskurðuð gjald­þrota í hér­aðs­dómi og Bak­ara­meist­ar­inn hefur nú þegar tekið við rekstri bak­ar­í­anna. Eftir að fyr­ir­tækið hafði ekki greitt iðgjöld til líf­eyr­is­sjóðs þrátt fyrir að hafa dregið þau af launa­út­borg­unum til starfs­manna fór LIVe, líf­eyr­is­sjóður versl­un­ar­manna, fram á gjald­þrot bak­aría Jóa Fel.

Jóhannes hefur verið dug­legur að mála und­an­farið.

Mannlíf náði tali af Jóa Fel rétt áður en keðja hans var úrskurðuð gjald­þrota. Þá var bak­ar­inn í skugga gjald­þrots og vissi ekki hvernig myndi fara fyrir bak­ar­í­unum sínum. Jói  hefur áður misst bak­arí utan höf­uð­borg­ar­svæð­is­ins í gjald­þrot. „Ef ég á að segja þér alveg eins og er þá veit ég ekki hver staðan er. Ég bara veit það ekki,“ sagði Jói Fel í sam­tali við Mannlíf þegar hann er spurður út í stöð­una.

Ljóst er að Jóhannes hefur notað tím­ann vel á erf­iðum síð­ustu vikum til að mála. Í færslu hans má sjá mynda­röð af fal­legum lundum og þar seg­ist bak­ar­inn nú þegar hafa selt tvær myndir af fjórum í röð­inni. Undir lunda­mynd­irnar ritar Gerður nokkur hrós sitt. „Vá, geggjað flott,“ segir Gerður.

Af þessum myndum eru tvær þegar seldar segir Jói.

„Trufluð mynd,“ segir Sólveig nokkur við mynd Jóa af stæltri konu við æfingar þar sem hún býður Covid-far­aldr­inum aug­ljós­lega byrgin. María er Sólveigu sam­mála. „Geggjuð mynd,“ segir María.

Næstar í röð­inni af þeim myndum sem Jóhannes birtir hjá sér eru ann­ars vegar mynd af Guðna Th. Jóhann­essyni, for­seta Íslands, og hins vegar af rokkkóng­inum Elvis Presley. „Svona er útkoman þegar maður málar kóng og for­seta,“ segir Jói Fel um afrakst­ur­inn.

For­set­inn og kóngur, eins og Jói Fel orðar það.

Ekki stóð á við­brögð­unum við mynd­irnar af Guðna og Presly. Margrét nokkur segir ljóst að Jóhannes sé ekki bara goður bak­ari. „Þér er margt til lista lagt,“ segir Margrét. Hafdís tekur undir lofið og er þeirrar skoð­unar að Guðni for­seti ætti hrein­lega að kaupa mynd­ina af Jóa Fel.

Þetta er ekki í fyrsta sinn sem Mannlíf fjallar um mynd­list­ar­hæfi­leika bak­ar­ans. Jói Fel birti nefni­lega mynd af eldra mál­verki hjá sér á Facebook, verk­inu Ástin við tjörn­ina, þar sem hrósin hrúg­uð­ust einnig inn hjá bak­ar­anum.

Gettu hvaða þekkti Íslend­ingur mál­aði þetta mál­verk

Við vinnslu frétt­ar­innar voru gerðar til­raunir til að ná á Jóa Fel en án árang­urs.