Frægir á einkaþotum sleppa við hefðbundna sóttkví – Brot Ballarin enn til rannsóknar

Dæmi eru um að far­þegar sem hingað koma til lands með einka­þotum fái und­an­þágur frá hörðum sótt­varn­ar­reglum eða brjóti hrein­lega gegn settum reglum. Heim­ildir Mannlífs herma að efn­aðir, frægir og mik­ils­virtir ein­stak­lingar sem hingað koma fari ekki í hefð­bundna sótt­kví heldur haldi rak­leiðis til verk­efn­anna sem þeir komu hingað til.

Þórólfur Guðnason sótt­varn­ar­læknir stað­festir slík dæmi í kór­ónu­veiru­far­aldr­inum og segir að emb­ættið hafi skoðað þetta sér­stak­lega í sumar. „Þetta kom svo­lítið upp fyrr í sumar og við könn­uðum þetta. Við höfum fengið dálítið af meld­ingum um að menn væru ekki að fara eftir því sem samið var um. Oftast voru þessar sögu­sagnir á mis­skiln­ingi byggðar en það voru líka til­vik sem stóð­ust. Ég hef ekki heyrt neitt um þetta upp á síðkastið en við getum auð­vitað ekki haft eft­ir­lit með öllum alla daga,“ segir Þórólfur og bætir við:

„Þeir sem eru að koma hingað í ákveðnum erinda­gjörðum fara í ákveðna teg­und af sótt­kví og þá er yfir­leitt sótt um und­an­þágu fyrir það. Þá fer það í svo­kall­aða vinnu­sótt­kví og ég hef ekki heyrt nein brögð af því að fólk sé ekki að fara eftir því. Það er þannig að fólk sem er að koma hingað í ákveðin verk­efni, þá ákveðin nauð­syn­leg starf­semi sem það er að vinna af hendi, og fær að vinna verk­efnið í sótt­kvínni. Það hefur verið mikið sótt um það og við höfum reynt að koma til móts við slíkar óskir. Það er líka mörgum neitað um und­an­þágu.“

Samkvæmt sótt­varna­reglum eiga allir þeir sem koma til lands­ins að und­ir­gang­ast tvær skimanir með fimm daga sótt­kví á milli. Frægasta brota­dæmið í far­aldr­inum er lík­lega koma banda­ríska fjár­fest­is­ins Michele Roosevelt Edwards Ballarin til lands­ins. Hún marg­braut sótt­kví vegna leyni­funda hér­lendis. Banka­stjóri Kviku­banka hrakt­ist meðal ann­ars í ein­angrun vegna brot­anna. Á end­anum voru brot hennar tekin til rann­sóknar hjá ákæru­sviði lög­regl­unnar á höf­uð­borg­ar­svæð­inu. Rann­sóknin stendur enn yfir sam­kvæmt upp­lýs­ingum frá lög­regl­unni.

Ballarin marg­braut sótt­varn­ar­reglur þegar hún var hér á landi í kringum hlut­fjár­út­boð Icelandair. Hún fór meðal ann­ars á fund með stjórn­endum Kviku­banka, á kaffi­hús og út að borða þrátt fyrir að eiga að vera í sótt­kví. Tals­maður hennar sagði brotin framin af mis­skiln­ingi.