Þröstur Jónsson, bæjarfulltrúi í Miðflokksins í Múlaþingi, fer mikinn á Facebook og telur COVID samsæri stjórnvalda. Múlaþing er sameinað sveitafélag Fljótdalshéraðs, Seyðisfjarðar, Djúpavogs og Borgarfjarðar eystri. Viljinn greindi fyrst frá þessu.
Þröstur virðist trúa á tilvist COVID en telur samsærið snúast um að halda lyfjum frá almenningi. „Í upphafi tókum við þessu öll sem alvarlegri farsótt. Í október bauluðun við á þessi samtök. Í dag er að koma betur og betur í ljós að þau fara með rétt mál. Fjöldi radda um allan heim taka undir það. Þetta er slæm pest sem nýtir sér D-vítamín skort [sjá rannsóknaniðurstöður frá Singapúr] Lyf svo sem Ivermectin og jafnvel Hydroxicloricen gera pestina að engu,“ skrifar Þröstur við litlar undirtektir á Facebook.
Sjá einnig: Uppþot og afhjúpun í hópnum sem hatar konur: „Ég óð eld og brennistein fyrir SDG“
Hann segir markmiðið augljóst. „Gallinn er bara sá að stjórnvöld/World Economy Forum og WHO halda þessum lyfjum frá okkur til að viðhalda skelfingu og eyðileggja samfélög okkar, svo framkvæma megi hið ílla Global Reset [sjá vef WEF]. Við erum ekki einusinni frædd um áhrif D-vítamín skorts. Sjá einnig furðulegan hræðsluáróður gegn Ivermectin á heimasíðu Lyfjastofnunar eftir að þrýstingur myndaðist á að leyfa lyfið hér á landi við kínavírusnum. Þetta er ekki pandemic. Þetta er satanic planademic,“ skrifar Þröstur.
Þetta er einungis ein færsla meðal margra en svo virðist sem Þröstur hafi lítinn áhuga á nærumhverfi sínu, í það minnsta nefnir hann ekki Múlaþing á nafn í þeim fjölda færsla sem hann deilir undanfarið. Þess má geta að Seyðisfjörður tilheyrir Múlaþingi þar sem hamfarir áttu sér stað nýlega. Þröstur er þó með hugann annars staðar. Hann skrifar þó ófáar færslur um skaðsemi bólusetningar og endurbirtir bréf sitt til fréttastjóra RÚV þar sem hann skammar hana fyrir að hallmæla Donald Trump, fyrrverandi Bandaríkjaforseta.
Athugasemdir