Skotmaðurinn talinn hættulegur – Töluvert magn af skotvopnum fannst á heimilinu

Gæslu­varð­hald yfir sex­tugum karl­manni, sem tal­inn er hafa skotið á fjöl­skyldu­bif­reið Dags B. Egg­erts­sonar borg­ar­stjóra hefur verið fram­lengt af þeirri ástæðu að við­kom­andi þykir hættu­legur og því sé nauð­syn­legt að verja aðra fyrir ára­ásum hans. Á heim­ili skot­manns­ins fannst tölu­vert magn skot­vopna.

Ekki aðeins er sá grun­aði tal­inn hafa skotið á bíl Dags með riffli heldur einnig á skrif­stofur Sam­fylk­ing­ar­innar. Mál við­kom­andi, sem áður hefur komið við sögu lög­reglu, er nú komið á borð hér­aðs­sak­sókn­ara og verður mað­ur­inn í gæslu­varð­haldi fram á föstu­dag hið minnsta. RÚV greindi frá.

Maðurinn var hand­tek­inn síð­ast­lið­inn laug­ar­dag. Dagur sjálfur er veru­lega sleg­inn vegna skotárás­ar­innar og hefur hús hans verið vaktað af lög­reglu frá því á laug­ar­dag. Þá segir borg­ar­stjór­inn að hann hafi enga hug­mynd um hverjir árás­ar­menn­irnir kunni að vera.

Örn Johnsson, fyrr­ver­andi byssu­smiður, hefur verið sak­aður um aðild að skota­árásinni á Dag B. Egg­erts­son borg­ar­stjóra. Sagan gengur nú fjöllum hærra og hefur hann varla undan að svara fjöl­miðlum vegna máls­ins, meðal ann­ars RÚV. Með góð­fús­legu leyfi frá honum vildi Örn árétta að hann er ekki skot­mað­ur­inn.