Meira en tvöfaldur verðmunur á snyrtistofum landsins – VERÐKÖNNUN – Þú getur sparað 55 þúsund

Þú getur sparað þér 55 þús­und krónur á ári með því að sækja ódýr­ustu snyrti­stof­una í stað þeirrar dýr­ustu. Fyrir eitt skipti á þeirri dýr­ustu getur þú farið tvisar á þá ódýr­ustu og átt jafn­framt afgang fyrir einum bragð­aref útí í ísbúð.

Mannlíf fór á stúf­ana og gerði verð­könnun á 73 snyrti­stofum á lands­vísu. Í ljós kom að 232 pró­senta verð­munur er á litun og plokkun á milli ódýr­ustu stof­unnar og þeirrar dýr­ustu. Tekið skal fram að hugs­an­lega er þjón­ustu­stig eitt­hvað mis­mun­andi milli stofa og í sumum til­vikum getur verið um ófag­lærðan starfs­mann að ræða. Með því að velja þá ódýr­ustu getur þú hins vegar sparað 4.640 krónur á mán­uði. Það gerir 55 þús­und króna sparnað yfir árið.

Í verð­könnun Mannlífs kemur í ljós tals­verður munur er á litun á auga­brúnum ásamt plokkun eða vaxi. Sumar snyrti­stof­urnar gáfu upp tíma­lengd með­ferðar sem var á bil­inu 20 til 45 mín­útur, ásamt verði. Að öðru leyti voru með­ferð­irnar eins. 

Sjá einnig: Gíf­ur­legur verð­munur á klipp­ingum – VERÐKÖNNUN – Fjöl­skyldan getur sparað 17 þús­und á mán­uði

Það kom skemmti­lega á óvart að mjög margar stofur eru með verð­lista yfir með­ferð­irnar sem í boði eru. Farið var eftir þeim upp­lýs­ingum, þar sem þær voru fyrir hendi, ann­ars var spurst fyrir skrif­lega eða munn­lega. Erfiðara reynd­ist að hafa upp á snyrti­stofum á lands­byggð­inni. Mikið var um úreltar upp­lýs­ingar á net­inu, stofur hættar og þess háttar.

Litun og plokkun er með­ferð sem margir fara í mán­að­ar­lega. Sé litið til sex mán­aða getur ein­stak­lingur sparað sér 27.840 krónur, sé litið til dýr­ustu (Dimmalimm) og ódýr­ustu stof­unnar (Snyrti­stofan Ösp), óháð stað­setn­ingu. 232,6 pró­senta munur er því á milli stofa.

Séu bornar saman dýrasta stofan á höf­uð­borg­ar­svæð­inu, Dimmalimm og sú ódýrasta, Snyrti­stofa Rósu, getur ein­stak­ling­ur­inn sparað 25.140 krónur yfir sex mán­aða tíma­bil. getur ein­stak­ling­ur­inn sparað 4.190 á mán­uði eða 50.280 á ári. 198 pró­senta munur var á milli stof­anna.

Á list­anum hér að neðan má sjá nöfn þeirra snyrti­stofa sem kann­aðar voru, verð fyrir litun og plokkun og svo hvar á land­inu þær eru stað­settar:

Höfundur: Svava Kristín Sveinbjörsdóttir