Frægðarfólk Covid ársgamalt

Rétt rúmt ár er síðan sá ófögn­uður Kór­óna­veiran nam land á Íslandi og allt fór í bak­lás. Fyrsta greinda til­vikið er rakið til rúm­lega fer­tugs karl­manns sem kom úr skíða­ferð til Ítalíu. Þá varð um leið til svo­kallað þrí­eyki. Þau Víðir Reyn­is­son yfir­lög­reglu­þjónn, Alma Möller land­læknir og Þórólfur Guðnason sótt­varna­læknir hafa síðan verið gestir á sjón­varps­skjám lands­manna. Annar sem hlaut frægð af veirunni var Björn Ingi Hrafns­son á Viljanum sem gengið hafði í gegnum gríð­ar­lega erf­ið­leika en reis upp úr ösku­stó sinni, alfiðr­aður eins og fugl­unn Fönix og mætti á hvern ein­asta fund með spurn­ingar sem sumar hverjar báru vott um skarp­skyggni. Nú standa vonir til þess að veiran og allt hennar ágæta frægð­ar­fólk hverfi af sjón­ar­svið­inu og þjóðin taki upp eðli­legri lífs­hætti og skemmti­legra sjón­varps­gláp …