Börnum vísað út úr bakaríi í Reykjanesbæ – „Það er fokking faraldur í gangi“

Sex og tíu ára gömlum börnum var neitað afgreiðslu í bak­aríi vegna þess að þau voru grímu­laus. Frá þessu er sagt í Facebook hópi Reykja­nes­bæjar.

Jóhann nokkur bendir á að fyr­ir­tæki hafi rétt á því að neita afgreiða ein­stak­linga sem ekki eru með grímur hvort sem það séu börn eða full­orðnir og skrifar:„Hér eru íslenskar gæsalappir“, notið bara hel­vítis grím­urnar“

Samkvæmt sótt­varn­ar­reglum ber börnum fæddum 2005 eða seinna ekki skylda til að vera með grímur og finnst mörgum þetta því ekki til fyr­ir­myndar hjá bak­arí­inu. Ekki kemur fram í hvaða bak­aríi þetta átti sér stað, en vilja margir vita það til að geta hætt við­skiptum við það: „Börn fædd 2005 og síðar sem sagt 2006-2007 og svo fram­vegis þurfa ekki að vera með grímur og ef bak­aríið neitar að afgreiða þau út af því þá vil ég vita hvaða bak­arí það er því ég mun snið­ganga svona fyr­ir­tæki það er nokkuð ljós,“ skrifar ein.

Kjartan nokkur skrifar: „Ef að fyr­ir­tæki ætla að vera með harð­ari reglur en almanna­varnir þá er lág­mark að bjóða þeim krökkum sem eiga ekki að þurfa grímu að fá hana við inn­gang! Það er ömur­legt fyrir börnin að þurfa að snúa frá sumir þurft að labba jafn­vel langa leið.“

Ekki eru allir á sama máli, en öðrum finnst sjálf­sagt að for­eldrar passi upp á að börn sín séu alltaf með grímur á sér, jafn vel þó þau séu fædd eftir 2005. Bent er á að hið breska afbrigði veirunnar sem nú sé í sam­fé­lag­inu smiti börn frekar en önnur afbrigði hennar. Þá virð­ist börn einnig verða veik­ari af þessu afbrigði veirunnar.