Úrskurðurinn var kveðinn upp hjá Héraðsdómi Austurlands, en maðurinn var ákærður fyrir að setja sig aftur og aftur í samband við barnsmóður sína hringingum í síma hennar og að senda henni ótrúlegan fjölda af SMS-skilaboðum.
Dóminn má sjá hér.
Það var í byrjun nóvember í fyrra sem manninum var gert að sæta nálgunarbanni í sex mánuði; var honum til að mynda bannað að koma á eða í námunda við heimili barnsmóður sinnar. Hann mátti ekki nálgast hana á almannafæri né heimsækja hana á vinnustað hennar og mátti ekki eiga samskipti við hana í tölvu, í síma eða á nokkurn annan hátt.
Óhætt er að segja að maðurinn hafi ekki verið hræddur að brjóta nálgunarbannið og var því ákærður fyrir að hringja hvorki fleiri né færri en 1.343 símtöl í barnsmóður sína og sendi henni aragrúa af SMS-skilaboðum, eða alls 1.092 SMS-skilaboð sem komu úr ákveðnu númeri á tímabilinu frá sjötta nóvember í fyrra og til áttunda janúar á þessu ári.
Eftir áttunda janúar síðastliðinn og fram til þriðja febrúar notaði maðurinn annað númer og hringdi á þessu tímabili rúmlega fimm hundruð símtöl og sendi tæplega fjögur hundruð og fimmtíu SMS-skilaboð til barnsmóður sinnar þrátt fyrir áðurnefnt nálgunarbann. Og var hvergi nærri hættur; frá fyrsta febrúar til sextánda mars notaði maðurinn hann enn annað númer og hringdi úr því fjögur hundruð þrjátíu og fimm símtöl í konuna og sendi rétt henni líka tæp fimm hundruð SMS-skilaboð.
Samtals voru þetta því tvö þúsund tvö hundruð áttatíu og þrjú símtöl og SMS-in rúmlega tvö þúsund.
Játaði maðurinn játaði sök fyrir dómi; var litið til þess að ekki var um hótanir að ræða; heldur tilraunir hans til samskipta við fimm ára dóttur sína.
Dómurinn yfir manninum er skilorðsbundinn til tveggja ára, en fram kemur í dómnum að með brotum sínum gegn nálgunarbanni hafi maðurinn rofið skilorðsbundinn dóm sem hann hlaut fyrir gripdeild fyrir tveimur árum síðan.
Nálgunarbönn
Kerfinu mistekst að vernda konur
28 mín. lestur
Nálgunarbönn: Bitlaust úrræði sem þarf að skerpa á
Vill sjá lagaákvæði um eltihrella
Athugasemdir