Kristrún Frostadóttir, hagfræðingur og frambjóðandi Samfylkingar, hefur nú lýst opinberlega ákveðinni smánun sem hún segist verða fyrir af hendi leynipenna Viðskiptablaðsins sem Trausti Hafliðason ritstjóri ábyrgist. Fram að þessu hafa tónlistarmenn og frægðarmenni verið dregin fram í dagsljósið af konum sem lýsa ofbeldi þeirra á hendur sér og krefjast uppgjörs, en nú er komin fram ný vídd
Kristrún tilgreinir sig sem fórnarlamb og kallar skrif nafnleysingjanna á Viðskiptablaðinu, sem skrifa undir merki Óðnis og Týs „nafnlausa áróðurinn“ þar sem karlarnir sé talaðir upp sem „snillingar“. „Þið fáið ekki að kúga mig,“ skrifar hún. Óljóst er hvort henni tekst að vekja bylgju bylgju gegn karlrembunum á Vibbanum.
Einhverjir telja þó að skrif hennnar einkennist af þeirri taugaveiklun sem er ríkjandi innan Samfylkingar sem fer um djúpa dali örvæntingar með fylgi sem býður ekki upp á annað en áhrifaleysi. Bent skal á lítinn lestur Viðskiptablaðsins sem mælist jafnvel minni en fylgi Samfylkingar og lítil ástæða til að æsa sig. Svo er auðvitað hugsanlegt að Kristrún sé að upplifa raunverulegt ofbeldi leynipennanna …
Athugasemdir