Óþrjótandi gott veður á Húsavík- Mikil stemmning fyrir norðan

Á Húsavík hefur verið mikil stemmn­ing þetta sum­arið og hefur það ein­kennst af fjölda ferða­manna, jákvæðni og óþrjót­andi góðu veðri. Hingað mætir fólk, tjaldar á tjald­svæð­unum í nokkra daga, nýtir sér úrval ann­arra gisti­mögu­leika og þá afþr­ey­ingu sem er í boði.

Silja Jóhann­es­dóttir, verk­efna­stjóri Húsa­vík­ur­stofu segir að tæki­færin til að skemmat sér séu nán­ast óþrjót­andi. Hægt er að byrja dag­inn á úrvals morg­un­verði í bak­arí­inu eða á kaffi­húsi, fara svo í Skrúð­garð­inn eða upp að Botns­vatni sem bæði eru miklar úti­vistar­perlur og enda í hádeg­inu á ein­hverjum þeim fjölda veit­inga­staða sem í boði eru. 

Í eft­ir­mið­dag­inn er hægt að rölta um Safna­húsið og Hvala­safnið og bráð­lega verður hægt að heim­sækja Eurovision safnið sem er í upp­bygg­ingu. Nú eða skella sér í hvala­skoðun og sigla með hvöl­unum á Skjálf­anda, ef þið eruð heppin náið þið GONG sigl­ingu sem er ein­kenn­andi við frið­sæld­ina á fló­anum. Einnig er hægt að panta göngu­ferðir með leið­sögn um bæinn sem hafa notið mik­illa vin­sælda sér­stak­lega eftir að farið var að bjóða upp á göngu­ferðir með leið­sögn um áhuga­verða staði tengda mynd­inni Eurovision Song Contest: The Story of Fire Saga.

Húsavík hefur upp á svo margt að bjóða og eru mögu­leikar á afþr­ey­ingu óþrjót­andi. Margir heim­sækja Katla­völl, sem er úrvals níu hola golf­völlur eða fara í lengri göngu- eða hjóla­ferðir um þá stíga sem búið er að byggja upp umhverfis bæinn. Á kvöldin er svo enn nægt úrval veit­inga­staða og mögu­leiki að borða ekki á sama stað marga daga í röð. Þá er hægt að kíkja á stað­ar­brugg­húsið sem nýtur sífellt meiri vin­sælda og jafn­vel hægt að njóta þess í Sjó­böð­unum og þegar haustar hægt að njóta heitra baða, með kaldan drykk í hendi og horfa á fal­lega sól­ar­lagið.

Þessu fyrir utan er hægt að fara í fjör­una, skella sér á ærsla­belg­inn eða rölta um höfn­ina sem með eik­ar­bát­unum gerir þá upp­lifun gríð­ar­lega áhuga­verða því þar bland­ast saman þægi­leg smá­báta­menn­ing í bland við ferða­þjón­ust­una. Þegar svo haustar og snjór­inn heilsar upp á okkur þá er í boði aðgengi­legt skíða­svæði upp við Reyð­ar­ár­hnjúk. 

Það er bæði nota­legt og skemmti­legt að heim­sækja Húsavík og hér tökum við vel á móti öllum sem vilja dvelja hjá okkur.