Framkvæmdastjóri Framsóknar á flótta – Helgi lætur ekki ná í sig

Mannlíf hefur ítrekað reynt að ná í Helga Hauk Hauksson, fram­kvæmda­stjóra Fram­sókn­ar­flokks­ins, í tengslum við frétt um und­ar­leg skulda­mál flokks­ins. Helgi hefur hvorki látið ná í sig sím­leiðis, né hefur hann svarað tölvu­póstum blaða­manns.

Vegna banka­leyndar mega starfs­menn banka ekki tjá sig um ein­stök lán eða lán­þega. Þetta var ítrekað í sam­tali Mannlífs við Arion banka. Það er því útséð með að fá Ásgeir Helga Reyk­fjörð Gylfason til að tjá sig um málið og gera grein fyrir því hvort hann hafi átt hlut að máli við lán­veit­ingu Fram­sókn­ar­flokks­ins, fyrst hjá Kviku banka árið 2017 og svo hjá Arion banka árið 2019. Athygl­is­vert þykir að Ásgeir Helgi hafi verið hátt settur hjá hvorum bank­anum um sig einmitt á þeim tímum sem bank­arnir veittu Fram­sókn­ar­flokknum lán.

Það að Arion banki taki yfir skuldir á 3. veð­rétti er í sjálfu sér ekki óvana­legt, þegar veð er í verð­mætri fast­eign sem í versta falli gæti dekkað alla þrjá veð­rétt­ina ef lán­þeg­inn stæði ekki undir lán­inu. Það er hins­vegar óvenju­legt að Arion banki taki yfir höfuð umtals­verðar skuldir stjórn­mála­flokks upp á arma sína.

Í gögnum Mannlífs kemur fram að Framsókn hafi veitt leyfi fyrir að veð yrði tekið í fast­eign­inni að Hverf­is­götu 33, eignar í eigu félags­ins Skúla­garðs. Skúla­garður er ein­ungis að hluta til í eigu Fram­sókn­ar­flokks­ins og þrátt fyrir að aðrir hlut­hafar í félag­inu hafi sam­þykkt gjörn­ing­inn er ólög­legt sam­kvæmt hluta­fjár­lögum að lána hlut­höfum pen­inga eða veð í eignum félags­ins. Framsókn er ein­ungis einn hlut­hafa í Skúla­garði og má því ekki lána sér veð í eign Skúla­garðs.