Eva Ruza reynir að hafa flækjustigið sem minnst: „Ég get orðið rosalega matsár“

„Ég vil bara hafa mat­inn minn bragð­góðan og ég get orðið rosa­lega matsár. Sem er sér­stakt, þar sem elda­mennskan mín hefur ekki alltaf heppn­ast og hafa aðrir þurft að þjást vegna hennar. Ég verð samt aldrei matsár við sjálfan mig. En ef ein­hver annar eldar vondan mat, þá er það allt önnur saga og þá verður Ruzan ekki sátt.“

Fékk ekki sam­hæf­ingu í vöggu­gjöf
Eva Ruza, þús­und­fjala­smiður er Mat­gæð­ingur Mannlífs þessa vik­una. Eva seg­ist vera allt í senn ham­fara­kokkur, ástríðu­kokkur, brussu­kokkur, smá subbu­kokkur og inn á milli góður kokkur.

„Mér var ekki gefin sam­hæf­ing lík­am­ans í vöggu­gjöf, þannig að það þvælist stundum fyrir

Ljós­mynd­ari: Þorgeir Ólafsson

Mynd: Thorgeir Olafsson

mér í elda­mennsk­unni. Ég er nýbúin að möl­brjóta lok á upp­á­halds­pott­inum mínum og skil ekk­ert hvernig það gerð­ist. Mér líður eins og ég hafi fleygt því í gólfið. Sam­hæf­ing lík­am­ans um að kenna. Hend­urnar voru ekki að tala saman.“

Eva seg­ist halda það að hún hafi lag­ast mikið þegar kemur að elda­mennsk­unni;

„en svo byrja ég að elda og þá kemur í ljós að ég er bara alls ekk­ert búin að lag­ast. Ég elska samt rosa­lega mikið að elda og finnst ekk­ert skemmti­legra en að dunda mér við að elda og und­ir­búa. Eldhúsið og Siggi mað­ur­inn minn, eru ekki alveg eins hrifin af upp­á­tækj­unum mínum því það er alltaf eins og hita­belt­is­stormur hafi flogið inn um eld­húsið eftir að ég elda…en ég meina ef mat­ur­inn heppn­ast, þá er það það sem skiptir máli. Svo tekur upp­þvotta­vélin og tuskan við rest­inni.“

Mastera rétt­inn
Um þessar mundir eru það asískar núðlur með nauta­þynnum sem hún Eva upp­götv­aði hjá henni Berg­lindi Hreiðars á gott­eri.is sem er í upp­á­halds.

„Ég er orðin klár­ust í heimi að elda þær og hef smá áhyggjur af því að fjöl­skyldan fái leið á þessum rétt. Það væri pirr­andi því ég er búin að mastera hann. En á meðan þau kvarta ekki, þá held ég bara áfram að elda hann.“

Á týpískum degi í lífi Evu fær hún sér alltaf hreina AB mjólk og múslí í morg­un­mat og hún seg­ist elska það alltaf jafn mikið. Í hádeg­inu þá er ekk­ert betra en grænn smoothie. Í smoothie setur hún ban­ana, epli, spínati, sítrónu, frosnu mangó, engi­fer, dass af vatni og dass af djús; „mixa í drasl og voila. Mjög ferskur og góður.“

Kvöld­mat­ur­inn er frekar venju­legur og reynir Eva á virkum dögum að vera ekk­ert að flækja hlut­ina neitt svaka­lega. Kjúlli, spag­hetti, fiskur og þetta týpíska verður oft­ast fyrir val­inu.

„Ég hef alltaf verið með­vituð um hvað ég borða og hvað ég gef fjöll­unni að borða, þannig að ég reyni að hafa þetta hollt og gott og reyni að hafa flækju­stigið sem minnst.“

Vill ekki mat sem hún hefur ekki bragðað áður

Mynd úr einka­safni Evu Ruza

Eva seg­ist vera með frekar ein­falda bragð­lauka en hún vilji alls ekki sterkan mat, ekki of krydd­aðan og hún borða ekk­ert sem hún veit ekki nú þegar hvernig bragð­ast.

„Ég byrj­aði ekki að borða tómata og sveppi fyrr en ég var tví­tug, held ég. Mér fannst svo ógeðs­leg áferðin á þeim og mér fannst þeir ,,virka“ svo vondir. Greyið mamma þurfti alltaf að sigta sveppa­súpu fyrir mig á jól­unum svo að ég myndi borða hana. Hef samt aðeins þroskast í dag og borða sveppi og tómata eins og eng­inn sé morg­un­dag­ur­inn. Ég hljóma næstum því eins og 12 ára sonur minn núna.“

Skemmti­legt er frá því að segja að eitt skiptið eld­aði Eva kjúkling og franskar með upp­þvotta­bursta. Þau hjónin voru nýflutt í fyrstu íbúð­ina sína og buðu bestu vin­konu í mat.

„Ég ætl­aði að vera rosa grand á því og elda heilan kjúkling og fröllur í fyrsta sinn. Svo sitjum við inn í stofu á meðan mat­ur­inn mallar og Auður vin­kona mín segir; ,,það er rosa­leg bruna­plast lykt hérna“ . Ham­fara­kokk­ur­inn var að sjálf­sögðu ekki búinn að finna neina lykt. En við förum inn í eld­hús og kíkjum inn í ofn­inn. Þá gaus þessi rosa­lega lykt beint i fésið á okkur. Ég ríf plöt­una út úr ofn­inum. Hangir ekki hel­vítis upp­þvotta­burst­inn neðan úr plöt­unni allur snar­bráðn­aður fastur við plöt­una. Þá hafði ég kippt honum óvart með þegar ég setti plöt­una í ofn­inn og var búin að elda hann í rúman klukku­tíma. Kjúkling­ur­inn var hins vegar bragð­góður og engum varð meint af…nema burst­anum. Ég not­aði hann samt til að vaska upp eftir kvöldið. Virkaði fínt. Mæli samt ekki með að elda þá.“

Asískar núðlur

Mynd: Berglind Hreið­ars­dóttir

Fyrir 4-6 manns

• 375 g núðlur (6 „blocks“)
• 500 g nauta­kjöt
• Brokkoli­haus
• 4-5 gul­rætur
• ½ blað­laukur
• Kikkoman soyasósa
• Kikkoman ter­i­yaki sósa
• Hoisin sósa
• Sweet chili sósa
• Ólífu­olía
• Salt, pipar, hvít­lauks­duft
• 100 g ristaðar og salt­aðar kasjú­hnetur

Aðferð

1. Grillið/eldið nauta­lund­ina og hvílið á meðan þið útbúið núðl­urnar.
2. Skerið brokkoli í bita og lauk og gul­rætur í strimla.
3. Steikið brokkoli og gul­rætur á með­al­háum hita upp úr vel af ólífu­olíu í stutta stund. Hellið 4 msk af vatni og 2 msk af soyasósu á pönn­una og hrærið vel í þar til vök­vinn gufar upp.
4. Bætið þá lauknum saman við ásamt meira af ólífu­olíu og kryddið til með salti, pipar og hvít­lauks­dufti.
5. Blandið á meðan saman í skál 6 msk af Hoisin sósu, 2 msk soyasósu, 2 msk ter­i­yaki og 4 msk sweet chili sósu og hellið yfir græn­metið.
6. Sneiðið kjötið í þunna strimla og blandið saman við.
7. Sjóðið núðl­urnar sam­kvæmt leið­bein­ingum á pakka og hrærið vel saman við í lokin, toppið með kasjú­hnetum.

Smelltu hér til að lesa allt um málið í brak­andi fesku helg­ar­blaði eða flettu því hér fyrir neðan: