Jói hjá Gleðipinnum vaktar Matartips og bregst við: „Þetta er kallað að leysa málin!“

Það er ekki hægt að saka Jóhannes Ásbjörns­son, einn eig­enda og tals­mann fyr­ir­tæk­is­ins Gleðip­inna, um að vera ekki vak­andi í vinn­unni.

Nýverið birti Mannlíf grein þar sem kom fram að Jóhannes, eða Jói eins og hann er yfir­leitt kall­aður, hafi lækkað verð á frönskum kart­öflum hjá Aktu Taktu eftir að neyt­andi lét í ljós óánægju sína með skammta­stærð og verð á Facebookhópnum Mat­ar­tips, en Mannlíf vakti athygli á mál­inu.

Nú hefur Jói aftur látið til sín taka í sam­fé­lags­miðla­um­ræð­unni. Í Mat­ar­tips birt­ist nýverið færsla frá ósáttum við­skipta­vini veit­inga­stað­ar­ins Saffran. Saffran er, líkt og Aktu Taktu, í eigu Gleðip­inna.

Í færslu sinni lýsir við­skipta­vin­ur­inn, sem heitir Svandís, óánægju með síð­ustu ferð sína á Saffran. Þar seg­ist hún oft hafa sótt stað­inn síð­ustu ár og alltaf fái hún sér það sama: kjúklinga­bök­una. Svandís segir kjúklinga­bök­una hafa verið sinn upp­á­halds­mat og því hafi hún orðið fyrir sér­legum von­brigðum með þetta skipti.

„Þeir eru búnir að bæta við beikon­bitum og rauð­lauk og magnið af kjúkling var ekki upp í nös á ketti, og alls ekki sama bragðið af honum. Svo var ekk­ert salat og hnetur og hvíta sósan ofan á. Og til að toppa allt, þá var barasta voða lítið bragð af henni. Ég var svöng og við vorum að fara í bíó þannig að ég bara át hana þegj­andi og hljóða­laust. Ég hefði alveg eins geta búið þetta til sjálf,“ segir Svandís.

Ótal athuga­semdir eru komnar undir færsl­una og sitt sýn­ist hverjum.

Stefán nokkur er til dæmis á því að betur fari að ræða við stað­inn áður en svona nokkuð er sett á sam­fé­lags­miðla.

Margir eru á þeirri skoðun að gæðin á Saffran hafi dalað tölu­vert eftir að fyr­ir­tækið Foodco eign­að­ist stað­inn fyrir nokkrum árum síðan. Hins­vegar sam­ein­uð­ust Gleðip­innar og Foodco árið 2019 og síðan þá hafa ýmsar breyt­ingar verið gerðar á veit­inga­stöðum í eigu fyr­ir­tæk­is­ins.

Athygli vekur að líkt og var með færslu við­skipta­vinar Aktu Taktu er Jói búinn að skrifa athuga­semd við færslu Svan­dísar um Saffran:

Sæl Svandís

Takk kær­lega fyrir inn­leggið. Mér þykir leitt að heyra að þú hafir orðið fyrir von­brigðum með kjúklinga­bök­una. Í mars 2020 fórum við í breyt­ingar á mat­seðl­inum í sam­starfi við Viktor og Hinrik hjá Lux veit­ingum (upp­á­halds­kokk­arnir okkar í öllum heim­inum). 

Mark­miðið var að auka gæði og bæta rétt­ina. Vissu­lega eru ekki allir hrifnir af því þegar réttum er breytt. Varðandi kjúklinga­bök­una þá bættum við hreinum mozzarellaosti, beikonkurli og rauð­l­auki við en tókum sal­atið af. Það voru alls ekki allir hrifnir af því að fá það ofan á pizzuna. En að sama skapi þá eru all­margir sem sakna þess. 

Þess vegna höfum við ákveðið, með þinni hjálp að bjóða fram­vegis okkar við­skipta­vinum að bæta sal­at­inu ofan á – frítt. Vonandi fellur það í góðan jarð­veg hjá þér. Okkur finnst kjúklinga­bakan meira djúsí en hún var, en eins og ég nefndi, mis­jafn er mann­anna smekkur. 

Með vin­semd,

Jói Gleðipinnum

Óhætt er að segja að athuga­semd Jóa hafi vakið jákvæð við­brögð.

„Þetta er kallað að leysa málin!,“ segir Ingvar.

Ásta er líka ánægð:

„Æðislegt að sjá svona svar og þjón­ustu­lund til við­skipta­vina. Vel gert.“