Frambjóðandi Pírata býður rasistum birginn: „Ætla að opinbera öll skilaboðin sem ég fæ undir nafni“

Píratinn Lenya Rún Taha Karim, sem í stutta stund var yngsti þing­maður Íslands­sög­unnar en datt svo af þingi eftir end­ur­taln­ingu, birti í gær á Twitter, hat­urs­full skila­boð sem henni barst.

Segist Lenya ekki nenna lengur að „hylma yfir ras­istum.“ Bætir hún við hún skuldi engum neitt. „Ætla að opin­bera öll skila­boðin sem ég fæ undir nafni, skulda engum neitt.“

Undir fyr­ir­sögn­inni Nafn­greinum ras­istana 2×21 birtir Lenya skjá­skoti af ógeð­felldum skila­boðum frá manni sem virð­ist ósáttur við að hún sé í póli­tík. Lenya hefur áður sagt frá kyn­þátta­for­dómum sem hún hefur lent í en for­eldrar hennar eru Kúrdar en hún er fædd og upp­alin á Íslandi. Hér fyrir neðan má sjá ógeð­felldu skila­boðin sem henni barst.

Ég vona svo inni­lega að þú kom­ist aldrei á þing litla útlenska heimska tví­tuga rusl. ÍSLAND FYRIR ÍSLENGAAAAAAAA. Við þurfum ekki óhreint útlenskt blóð á þingið útlenskt skítugt blóð.

Sjá einnig: Lenya Rún fengið ótal nafn­laus for­dóma skila­boð: „Ég er minnt á að ég sé brúnni en margir“