Staðgengill Kristjáns Þórs hættir störfum á Húsavík: „Og þau vilja bara fá mig suður“

Hálfgert stjórn­leysi ríkir í bæj­ar­málum á Húsavík vegna fjar­vista Krist­jáns Þórs Magn­ús­sonar, sveit­ar­stjóra Norð­ur­þings, sem hefur verið í veik­inda­leyfi um langa hríð. Bæj­ar­stjórn er að vinna að fjár­hags­á­ætlun að sveit­ar­stjór­anum fjár­ver­andi. Stað­geng­ill Krist­jáns Þórs, Drífa Valdi­mars­dóttir fjár­mála­stjóri, hefur sagt starfi sínu lausu og hyggst hætta störfum.

Drífa Valdi­mars­dóttir hefur tekið slag­inn á Húsavík á meðan sveit­ar­stjór­inn er í veik­inda­leyfi.

Í sam­tali við Mannlíf seg­ist Drífa hafa verið að horfa í kringum sig í nokkurn tíma og hafi loks fundið hent­ugt starf. Hún segir ástæð­una fyrir brott­hvarfi sínu úr sveit­ar­stjórn Norð­ur­þings vera þá að hún sé búin að starfa þar í fjögur og hálft ár, á Húsavík, en fjöl­skylda hennar sé í Reykja­vík. „Og þau vilja bara fá mig suður.“

„Það starf sem ég hef þegið núna – ég sótti um það í ágúst og var ráðin í það núna í nóv­em­ber. Svo þetta hefur bara tekið þennan tíma.“

Drífa seg­ist verða í sveit­ar­stjórn Norð­ur­þings fram í febr­úar. „Það er svona við­miðið. Ég mun að sjálf­sögðu hjálpa Norð­ur­þingi við að ráða hér nýjan fjár­mála­stjóra og koma honum inn í störfin.“

Drífa mun svo hefja störf sem fram­kvæmda­stjóri leigu­fé­lags­ins Bríetar í Borg­ar­nesi. Hún stefnir því að því að vera búsett þar.

Drífa er stað­geng­ill sveit­ar­stjóra. Aðspurð segir Drífa að stefnt sé að því að hann komi til baka um ára­mót.

„Jú, ég geri ráð fyrir því að hann stefni að því að koma um ára­mótin. Það er upp­leggið hjá okkur.“

Hún segir engan annan vera í start­hol­unum til að taka við starfi sveit­ar­stjóra eða stað­geng­ils. „Ekki sem mér er kunn­ugt um.“

Fjöl­skylda Krist­jáns Þórs stefnir að flutn­ingi til Reykja­víkur fyrir ára­mót.