„Ef hún lifir þetta af þá lifir hún af að vera í Hveragerði”

Ruth Phoebe Tchana Wandji rann­sakar stress í plöntum, hvernig þær bregð­ast við aðstæðum í nátt­úr­unni þegar hit­inn í jarð­veg­inum hækkar skyndi­lega. Hennar verk­efni snýst um að skoða vaxt­ar­feril plantna og hvernig hann breyt­ist í hlýn­andi nátt­úru, hvernig laufgun á sér stað auk þess sem hún rann­sakar líf­eðl­is­lega ferla. Hún er fædd í Kamerún en fór þaðan til náms í Frakk­landi og seg­ist vera ánægði á Íslandi. Hún er hrifin af land­inu og ber Íslend­ingum vel sög­una.

Ruth Phoebe stundar doktorsnám við Landbúnaðarháskóla Íslands

Frétta­maður spyr hvernig for­eldrar hennar hafi brugð­ist við þegar hún sagði þeim að hún væri á leið til Íslands?„Þau voru full efa­semdar; ertu viss um að það sé rétti stað­ur­inn fyrir þig. Það er svo kalt er ekki miklu betra að vera í Frakk­landi? „Það eru aðrir staðir í heim­inum sem eru erf­ið­ari en Ísland”, segir Ruth Phoebe.  „Ég hef verið dug­leg að senda þeim myndir og núna eru þau að ráð­gera að heim­sækja mig”. Hún er ánægð með allt nema vind­inn. „Ég hef ekk­ert á móti kuld­anum en ég er ennþá að reyna að venj­ast vind­inum.”Ruth Phoebe stundar dokt­ors­nám við Land­bún­að­ar­há­skóla Íslands undir leið­sögn Bjarna Diðriks Sig­urðs­sonar pró­fess­ors. Rann­sókn­ar­verk­efnið fór af stað árið 2011 í kjöl­far þess að Suð­ur­lands­skjálft­inn breytti jarð­hita­kerfum í kringum Hvera­gerði.

„Þar sem áður var köld nátt­úra varð jarð­veg­ur­inn skyndi­lega heitur og því aðstæð­urnar ein­stakar. Við finnum jarð­hita­kerfi víða um heim en vitum sjaldn­ast hvað þau eru gömul. Núna vitum við nákvæm­lega uppá dag hvenær jarð­veg­ur­inn byrj­aði að hitna, 29. mars 2008.

Ekki margar íslenskar rannsóknir birst í svo virtu riti

Í kjöl­farið buðum við félögum okkar að taka þátt í sam­starfs­verk­efni og rann­saka þessar ein­stöku aðstæður. Skoða hvað ger­ist í nátt­úr­unni þegar hlýnar hraðar heldur en þær loft­lags­breyt­ingar sem nú eiga sér stað”, segir Bjarni Diðrik Sig­urðs­son, pró­fessor við Land­bún­að­ar­há­skól­ann. Fræða­svið hans er vist­kerf­is­fræði og hvernig umhverf­is­þættir hafa áhrif á líf­verur.

„Í kjöl­farið settum við á fót þetta verk­efni þar sem 55 erlendir vís­inda­menn og 14 háskólar taka þátt í. Verk­efnið er kallað ForHot. 2019 fengum við styrk frá Evr­ópu­sam­band­inu til þess að nýta þessar ein­stöku aðstæður til að mennta dokt­or­snema í umhverf­is­vís­indum. Það verk­efni heitir FutureArctic. Við höfum þegar birt tvær greinar í Nature tíma­ritinnu, en það þykir mikil við­ur­kenn­ing innan vís­inda­heims­ins. Hingað til hafa ekki margar íslenskar rann­sóknir birst í svo virtu riti.”

Verk­efnið fékk tæp­lega 700 millj­óna króna styrk frá Evr­ópu­sam­band­inu og er til fjög­urra ára. Dokt­or­snem­arnir eru 15 og eru í námi við 7 evr­ópska háskóla.

„Þeir sem halda utan um styrk­inn gerir ekki ráð fyrir því að þeir skólar sem þessa styrki ráða nem­endur frá sínu heima­landi. Þess vegna höfum við ekki ráðið ráðið íslenska dokt­or­snema.

Við fengum 16 umsóknir frá úrvals nem­endum og þurftum við að finna út hverjir þeirra gætu búið hérna við kannski erf­iðar íslenskar aðstæður. Þá fann ég þessa frá­bæru stúlku sem hafði eytt mörgum vikum úti í skógi í Kamerún auk þess var hún í 6 mán­uði í frum­skógum í Suður Ameríku við erf­iðar aðstæður. Ég sagði að ef hún lifir þetta af þá lifir hún af að vera í Hvera­gerði,” segir Bjarni enn­fremur.

Hægt er að sjá við­talið heild sinni hér.