Hinn gamansami Eiríkur G. Stephensen, meðlimur hljómsveitarinnar Hundur í óskilum, er undir Stækkunargleri Mannlífs þessa vikuna.
Í nóvember síðastliðnum frumsýndu þeir félagar í Hundum í óskilum, Eiríkur og Hjörleifur Hjartarson, sýninguna Njála á hundavaði í Borgarleikhúsinu. Sýningin hefur hlotið mikið lof og skal engan undra, enda þeir félagar þekktir fyrir að vera miklir húmoristar. Áður hafa þeir sett á svið sýningarnar Saga þjóðar, Öldin okkar og Kvenfólk, sem allar voru óborganlega fyndnar.
Mannlíf komst að því að Eiríkur trúir á drauga, hann elskar indverskan mat og segist ekki vilja rifja upp sitt vandræðalegasta augnablik.
Fjölskylduhagir? Giftur og á fjögur börn, fjögur barnabörn og einn hund.
Menntun/atvinna? Menntaður sem tónlistarkennari og MA í mennta- og menningarstjórnun, er skólastjóri Tónlistarskóla Hafnarfjarðar.
Uppáhaldssjónvarpsefni? Lucy Ball.
Leikari? Halldór Gylfason og Katla Margrét Þorgeirsdóttir.
Rithöfundur? Stefan Zweig.
Bók eða bíó? Bíó.
Besti matur? Indverskur.
Kók eða pepsí? Pepsí.
Fallegasti staðurinn? Hornstrandir.
Hvað er skemmtilegt? Að lifa.
Hvað er leiðinlegt? Baktal.
Hvaða flokkur? Frekar spenntur fyrir þessu kattaframboði á Akureyri.
Hvaða skemmtistaður? Hótel Borg 1980.
Kostir? Glaður.
Lestir? Get ekki séð það sjálfur.
Hver er fyndinn? Þorsteinn Guðmundsson.
Hver er leiðinlegur? Stöðumælavörður.
Trúir þú á drauga? Já, auðvitað, hver gerir það ekki?
Stærsta augnablikið? Þegar ég fæddist.
Mestu vonbrigðin? Þegar ég tapa.
Hver er draumurinn? Bæta mig.
Mesta afrek sem þú hefur unnið á þessu ári? Komist í gegnum Covid til þessa.
Ertu búinn að ná öllum þínum markmiðum? Nei, og mun trúlegast aldrei ná þeim öllum, en gefst ekki upp.
Manstu eftir einhverjum brandara? Já, hann er alveg óborganlegur.
Vandræðalegasta augnablikið? Neita að svara, ég er að vinna í því að gleyma þessu augnabliki.
Sorglegasta stundin? Missir vina og ættingja.
Mesta gleðin? Lífið.
Mikilvægast í lífinu? Lifa glaður.
Athugasemdir