Kínverjar hafa eignast húsnæðið sem hýsir Hárhornið á Hlemmi – Jörundur flytur til Danmerkur

Húsnæðið sem hýsir Hár­hornið á Hlemmi er nú í eigu kín­verskra fjár­festa, sem búsettir eru hér á landi. Torfi heit­inn Geir­munds­son hár­greiðslu­meist­ari rak stof­una um langt ára­bil og tók dóttir hans, Lilja við af honum látnum.

Eiríkur Jónsson segir frá kaup­unum á heima­síðu sinni í dag. Þar segir að kaup­verðið sé trún­að­ar­mál en Jörundur Guð­munds­son, fyrrum eig­andi hús­næð­is­ins, sem er á verð­mætum stað í mið­bænum, plan­leggur að flytja til Dan­merkur von bráðar þar sem hann hyggst njóta ell­innar. Jörundur rak sjálfur hár­greiðslu­stofu á horn­inu áður en Torfi tók við.

Kaupin munu ekki hafa nein áhrif á starf­semi hár­greiðslu­stof­unnar en sam­kvæmt Eiríki mun Lilja og starfs­fólk hennar halda starf­inu áfram á Hár­horn­inu en hár­greiðslu­stofan hefur um langt skeið verið leið­andi í lágu verði á klipp­ingum, sam­kvæmt Eiríki.