Lækna-Tómas edrú í eitt ár -Segir áfengi geta verið harður húsbóndi

Skurð­lækn­ir­inn Tóma Guð­bjarts­son, betur þekktur sem Lækna-Tómas hefur verið ár án áfengis.

„Fyrir ári síðan ákvað ég að prófa að hætta alveg að drekka áfengi. Þetta byrj­aði sem veð­mál við frúnna, en fyrir ári voru vin­konur hennar flestar að hefja svo­kall­aðan „Dry January“. Þetta sagði hún mig aldrei geta – og ákvað ég því að taka hana á orð­inu,“ skrifar Tómas.

Hann segir að fljót­lega eftir að hann tók áfengi út, hafi hann farið að sofa betur og tekið eftir auk­inni orku bæði í íþróttum og ekki síður í vinn­unni.

„Ekki veitir af því álagið í vinn­unni hefur verið algjör­lega út úr korti und­an­farin miss­eri – iðu­lega tví- til þrí­skiptar næt­ur­vaktir ofan á fulla dag­vinnu. Við slíkar aðstæður er góður næt­ur­svefn og meiri orka gulls ígildi.“

Áfengi aldrei verið vandamál

Tómas seg­ist aldrei hafa álitið að áfengi væri vanda­mál í sínu lífi, en hann hafi af og til fengið sér rauð­víns­glas eða tvö með góðum mat, þegar hann átti frí.

„Í byrjun árs sá ég hins vegar með eigin augum hversu harður hús­bóndi áfengið getur verið, en þá lutu á stuttum tíma nokkrir nátengdir vinir mínir og ætt­ingjar í lægra haldi fyrir Bakkusi. Í sam­skiptum við hann er því ágætt að hafa á hreinu hver ræður ferð­inni. Þetta á ekki síst við þegar álag er mikið – hvort sem það er í vinnu eða einka­lífi. Vissu­lega getur fylgt því sökn­uður að neita sér um „guða­veigar“, t.d. í veislum – en svei mér þá ef betri svefn og meiri lífs­orka vegi ekki þyngra.“

Sumir vina Tómasar vilja meina að hann sé leið­in­legri alls gáðan, en hann vill meina að það sé mis­skiln­ingur. „Ég hef alltaf verið pínu „þurr“ og mat þeirra iðu­lega gert undir áhrifum áfengis.“

Þá seg­ist Tómas ætla fram­lengja þurra­búð­ina, eins og hann orðar það, inn í árið 2022. „Sjáum svo til hversu lengi það varir.“

Prófessor Pilsner

Á Bíldudal hefur Tómas hlotið við­ur­nefnið Pró­fessor Pilsner, en sam­kvæmt honum hefur sala á óáfengum drykkjum tekið kipp eftir að hann hóf sitt áfeng­is­bind­indi.

Tómas með þvag­flösk­una góðu og pilsner í hönd.

Þá seg­ist Tómas nú bera fram rauð­vín fyrir gesti sína á frekar óhefð­bund­inn hátt.
„Fyrir þá sem koma í heim­sókn í Anda­hvilft bíð ég enn upp á rauð­vín, en úr „not­aðri“ þvag­flösku af LSH. Þetta svín­virkar sem neyslu­stýr­ing og þegar hafa nokkrir af vinum mínum ákveðið að hætta eftir slíka skenk­ingu. Reyndar er hvítvín ekki síður áhrifa­ríkt, eða blanda hvítu og rauðu saman!“