Lækna-Tómas: „Rasssæri læknað með ormalyfi- Ivermectin“

Tómas Guð­bjarts­son, hjarta­læknir við Land­spít­al­ann eða Lækna-Tómas eins og hann er svo oft kall­aður seg­ist vera byrj­aður að nota Ivermectin lyfið sem Trump mældi með um árið, í bar­átt­unni við Covid. Það kunn þó ekki að vera útaf Covid hjá Lækna-Tómasi og vini hans, heldur útaf fjalla­hjóla­helgi.

Tómas hefur talað um hvað hann er mikið fyrir úti­vist, en hann hefur starfað sem fjalla­leið­sögu­maður um ára­tuga skeið, nú síð­ast í fjalla­skíða- og jökla­ferðum fyrir Ferða­fé­lag Íslands. Hann er þekktur fyrir nátt­úru­vernd­ar­bar­áttu sína.

Tómas kemst skemmtilga að orði eins og svo oft áður, þegar hann lýsir reynslu sinni eftir hjóla­helg­ina.

Á síðu sinni segir hann:

„Rasssæri læknað með orma­lyfi

Eins og búast mátti við þá er und­ir­vagn­inn á okkur Magnúsi Karli aumur eftir stífa fjalla­hjóla­helgi fyrir Westan. „Eins og að fæða tví­bura?“ spurði ein­hver okkur – en slíkt höfum við ekki reynt á eigin skinni.

Leitaði að Xylocain-stað­deyfikremi fyrir lyfja­pró­fess­or­inn – en fann hvergi. Í stað­inn mundi ég eftir send­ingu frá ónefndum vara­þing­manni með túbu af orma­lyf­inu Ivermectin.

Í leið­bein­ingum sem fylgdu er tekið fram að öllum sé frjálst að nota lyfið eins og þeim sýn­ist – inn- og/eða útvortis – og það lækni alla kvilla, m.a. Covid-19 eins og hjá Trump. Nú erum við Maggi ekki með Covid en við lofum að skrá sam­visku­lega niður aukverk­anir af þess­ari til­rauna-ábend­ingu lyfs­ins.

Neitum hins vegar að senda und­ir­ritað svar til vara­þing­manns­ins hvort við höfum mót­tekið túbuna – og notað inni­haldið!“