Er ný uppspretta Ómíkron fundin? „Hún mun trúlega koma aftur og elta okkur í framtíðinni“

Vís­inda­menn í Banda­ríkj­unum stað­festa nú að Ómíkronaf­brigði kór­ónu­veirunnar hafi fund­ist í hjart­ar­dýrum þar um slóðir. Óttast þeir að veiran getið dvalið í dýr­unum og hugs­an­lega þró­ast í önnur afbrigði.

DV hefur eftir New York Times að Ómíkron afbrigðið hafi fund­ist í hjart­ar­dýrum af White Tailed teg­und­inni í Staten Island en land­bún­að­ar­ráðu­neyti Joe Bidens for­seta Banda­ríkj­anna hefur aukreitis stað­fest að veiran hafi einnig verið greind í hjart­ar­dýrum í Arkansas, Illinois, Kansas, Maine, Massachusetts, Minnesota, New Jersey, New York, Norður-Karólínu, Oklahoma, Penn­syl­vania, Tennessee og Virginíu

„Dreifing veirunnar í hjart­ar­dýrum gefur henni ráð­rúm til að aðlag­ast og þró­ast. Hún mun trú­lega koma aftur og elta okkur í fram­tíð­inni,“ er haft eftir Vivek Kapur, örveru­fræð­ing við Penn State Uni­versity, í New York Times.

Miðað við nið­ur­stöður rann­sóknar á mál­inu hefur veiran borist úr mann­inum í hjart­ar­dýrin en ekk­ert bendir enn til þess að veiran hafi borist úr hjart­ar­dýrum í mann­eskjur.

Það er því ljóst að hundar eru ekki einu dýrin sem smit­ast hafa af veirunni skæðu.