Alvarlegt vélsleðaslys varð í Fáskrúðsfirði á föstudagskvöldið er karlmaður slasaðist illa á fæti. Maðurinn var fluttur með sjúkraflugi til Akureyri þar sem hann gekkst undir aðgerð.
Samkvæmt Austurfrétt eru tildrög slyssins ókunn en maðurinn var í hópi manna í vélsleðaferð í Eyrarskarði við Hoffell þegar slysið varð, seint á föstudaginn. Nokkuð vel gekk að aðstoða manninn og koma honum á Akureyri í aðgerð. Tilviljun réði því að þyrla sem var að aðstoða við skíða- og brettahátíðina Austurland Freeride Festival á Eskifirði, gat orðið við neyðarbeiðni um að koma manninur niður úr skarðinu.
Samkvæmt upplýsingum lögreglu tókst aðgerðin á fæti mannsins vel upp og er hann allur að koma til.
Athugasemdir