Maður olli hörmulegum dauðdaga ungbarns þegar hann keyrði á vagn

James Davis, 35 ára Breti, hefur verið dæmdur fyrir að valda dauða með hættu­legu akst­urs­lagi. Hann var dæmdur í sex og hálfs árs fang­elsi fyrir að hafa keyrt á vagn og orðið til þess að tveggja vikna ung­barn lét lífið. Dómarinn sagði hann ekki hafa haldið athygli við akst­ur­inn og grunar að hann hafi notað síma undir stýri.

For­eldrar barns­ins voru með hann í sínum fyrsta göngutúr þegar James keyrir beint á vagn­inn á um 100 kíló­metra hraða og lendir á vegg. Hámarks­hraði á svæð­inu var tæp­lega 50.

James flúði vett­vang en hringdi svo í lög­reglu. Hann var hand­tek­inn stuttu síðar.

Akst­urs­skil­yrði voru mjög góð, James keyrði BMW bif­reið sína yfir á vit­lausan vega­helm­ing og lenti á öðrum bíl, hann sveigði svo yfir á gang­stétt með þeim hörmu­legu afleið­ingum að barnið lést. Vitni reyndu að bjarga barn­inu en hann var úrskurð­aður lát­inn við komu á spít­ala.

James sagð­ist fyrst hafa fallið í yfir­lið en síðar að hann hafi fengið hóstakast. Sér­fræð­ingar töldu frá­sögn hans ekki trú­lega og eftir alls­herjar lækns­is­skoðun var hann sagðir full­komn­lega heil­brigður.