Arion fær 87,7 milljóna króna sekt vegna fréttar Mannlífs: „Um raunverulegar upplýsingar að ræða“

Hér­aðs­dómur Reykja­víkur stað­festi á þriðju­dag þá ákvörðun fjár­mála­eft­ir­lits­nefndar Seðla­banka að sekta Arion banka um 87,7 millj­ónir króna. Um er að ræða stjórn­valds­sekt sem var lögð á bank­ann í júlí 2020, fyrir að upp­lýsa ekki eins fljótt og kostur var um fyr­ir­hug­aðar hóp­upp­sagnir hjá bank­anum í sept­em­ber árið 2019.

Aðdrag­andi máls­ins er sá að Mannlíf birti frétt þar sem sagt var frá því að hóp­upp­sagnir væru á dag­skrá hjá bank­anum. Í frétt­inni sagði að upp­sagn­irnar væru liður í yfir­lýstri stefnu nýráð­ins banka­stjóra Arion banka um að auka arð­semi bank­ans. Frétt Mannlífs var birt 22. sept­em­ber 2019, á sunnu­degi, en á mið­viku­degi birt­ist til­kynn­ing for­svars­manna bank­ans þar sem fréttin var sögð röng.

Þann 26. sept­em­ber, fjórum dögum eftir að frétt Mannlífs birt­ist, var sagt frá því að 100 starfs­mönnum Arion banka hefði verið sagt upp. „Með þeim skipu­lags­breyt­ingum sem við kynnum í dag erum við að bregð­ast við aðstæðum til að tryggja að bank­inn þjóni sínum við­skipta­vinum vel á sama tíma og hann skilar hlut­höfum arði,“ sagði Benedikt Gíslason, banka­stjóri Arion banka um upp­sagn­irnar.

Fjár­mála­eft­ir­litið taldi að um væri að ræða inn­herj­a­upp­lýs­ingar sem gætu haft áhrif á verð­mæti bank­ans.

Sögðu fréttina ónákvæma

Stjórn­endur Arion banka mót­mæltu sekt­inni og vildu meina að fjár­mála­eft­ir­litið hefði hvorki gætt jafn­ræðis né með­al­hófs í ákvörðun sinni. Máli sínu til stuðn­ings vís­uðu þeir til fyrri ákvarð­ana fjár­mála­eft­ir­lits­ins um mun lægri sektir. Dómari við Hér­aðs­dóm Reykja­víkur sam­þykkti ekki mót­mæli banka­mann­anna. Önnur málsvörn for­svars­manna bank­ans var sú að ekki hefði verið rétt hjá fjár­mála­eft­ir­lit­inu að brot bank­ans hefði staðið yfir í fjóra sól­ar­hringa. Það hefði hins vegar aðeins liðið þrír og hálfur sól­ar­hringur frá birt­ingu frétt­ar­innar þar til bank­inn til­kynnti opin­ber­lega um upp­sagn­irnar. Þetta taldi dóm­ar­inn engu máli skipta.

For­svars­menn bank­ans sögðu að frétt Mannlífs hefði verið það óná­kvæm að upp­lýs­ing­arnar gætu ekki hafa komið innan úr bank­anum og þar með bæri þeim engin skylda til þess að birta inn­herj­a­upp­lýs­ingar um hóp­upp­sagn­irnar. Eins og áður segir kom fram í frétt­inni að allt að 80 manns yrði sagt upp en að end­ingu var um 100 starfs­menn að ræða.

Um raunverulegar upplýsingar að ræða

Dómari hér­aðs­dóms telur frétt­ina sann­ar­lega hafa inni­haldið upp­lýs­ingar sem í meg­in­at­riðum voru þær sömu og höfðu komið fram á fundi innan bank­ans. Bankinn gæti ekki skýlt sér á bak við það að sá fjöldi sem til­greindur hafi verið í frétt­inni hafi ekki verið nákvæm­lega sá sami og var sagt upp nokkrum dögum síðar. Ekki heldur að í frétt­inni hefði ekki verið til­greind sam­setn­ing þeirra starfs­manna sem segja átti upp.

Dómurinn kveður á um að sú ákvörðun Arion banka að fresta birt­ingu þess­ara inn­herj­a­upp­lýs­inga í þennan tíma hafi verið í and­stæðu við lög. Til­kynn­ing­ar­skylda bank­ans hafi verið virk um leið og upp­lýs­ing­arnar birt­ust í frétt­inni þann 22. sept­em­ber.

„Aðal­at­riðið er að um raun­veru­legar upp­lýs­ingar var að ræða sem skiptu máli fyrir mark­að­inn en ekki upp­lýs­ingar byggðar á óná­kvæmum get­gátum vef­mið­ils­ins,“ segir meðal ann­ars í dómnum.