Gylfi Þór Sigurðsson knattspyrnumaður hefur gengið í gegnum hrikalega tíma eftir að hann var handtekinn fyrir meint kynferðisbrot. Tæpt ár er liðið síðan lögreglan í Manchester lét til skarar skríða gegn honum og sakaði hann um samneyti við ólögráða stúlku. Samstundis fór ferill hans í frost og hann var settur til hliðar hjá Everton.
Öðru hvoru hafa komið yfirlýsingar frá lögreglunni um að senn dragi til tíðinda í rannsókninni en ekkert hefur gerst. Nú er sá kvittur uppi að rannsókninni sé að ljúka og honum verði sleppt án ákæru. Hvernig sem fer þá ferill hans er í rúst og tjónið af málinu gríðarlegt. Líklegt er að hann krefjist himinhárra bóta ef þannig fer enda óboðlegt að rannsókn taki svo langan tíma, burtséð frá sekt eða sýknu …
Athugasemdir