Kendall Jenner hætt með kærastanum

Fyr­ir­sætan, raun­veru­leika­stjarnan og Kar­dashian/Jenner-systirin Kendall Jenner er hætt með kærasta sínum, Devin Booker, körfu­bolta­manni fyrir Phoenix Suns. Þau höfðu verið saman síð­ast­liðin tvö ár. Þetta kemur fram hjá E-News.

„Kendall og Devin gengu í gegnum erfitt tíma­bil nýverið og hafa verið í sundur í um eina og hálfa viku,“ sagði heim­ilda­maður E-News.

Parið fór nýlega saman í brúð­kaups­veislu systur Kendall, Kourtney Kar­dashian, á Ítalíu. Þau skemmtu sér að sögn afar vel en eftir að heim var komið fór þeim að finn­ast að ef til vill væru þau ekki nógu sam­stíga og lífstíll þeirra ólíkur.

Samkvæmt heim­ilda­mann­inum var það Kendall sem bað um að þau tækju sér tíma í sundur. „Þau hafa verið í sam­bandi síðan þá og þykir vænt hvort um annað.“

Ekki er þó víst að um var­an­leg sam­bands­slit sé að ræða. „Þau von­ast bæði til þess að hægt sé að láta sam­bandið ganga, en í augna­blik­inu eru þau ekki saman.“

Í vor kom fram að parið væri ekki að flýta sér út í skuld­bind­ingar á borð við trú­lofun. Í nýj­ustu ser­í­unni um Kar­dashian-fjöl­skyld­una gaf Kendall það þó í skyn að hún væri byrjuð að sjá fyrir sér barn­eignir í fram­tíð­inni.

Í vor sagði heim­ilda­maður að Kendall væri mjög sátt með það hvernig sam­bandið við Devin væri. „Devin gerir ýmsa litla hluti fyrir Kendall og passar að hún finni að hann kunni meta hana og að hún sé elskuð.“