Johnny Depp svarar áfrýjun Heard með eigin áfrýjun: „Þetta snérist aldrei um peninga hjá hr. Depp“

Johnny Depp svarar áfrýjun Amber Heard með sinni eigin áfrýjun.

Viku eftir að Amber Heard áfrýj­aði dómi sem hún hlaut í máli Johnny Depp gegn henni vegna æru­meið­inga, svarar Camille Vasquez, lög­maður Depp í sjón­varps­við­tali. ETonline.com segir frá mál­inu. Vasquez sett­ist niður með við­tals­drottn­ing­unni Gayle King og ræddi við­brögð lög­fræði­teymis Depp við áfrýjun Heard, en hún segir hana ekki hafa komið á óvart.

Þann 21. júlí síð­ast­lið­inn komst ET yfir laga­skjöl sem sýndu að Heard sótti um áfrýjun á dómnum sem hún hlaut þann 1. júní á þessu ári en þar var henni gert að borga fyrrum eig­in­manni sínum, Johnny Depp 10 millj­ónir Banda­ríkja­dala í skaða­bætur og 5 millj­ónir dala í refsi­bætur. Vegna lög­bund­ins hámarks rík­is­ins voru refsi­bæt­urnar lækk­aðar í 350.000 Banda­ríkja­dala. Depp var einnig gert að greiða Heard 2 millj­ónir dala í skaða­bætur sem var partur af nið­ur­stöðu dóms­ins. Daginn eftir áfrýj­aði Depp þeirri nið­ur­stöðu.

„Algjör­lega,“ svar­aði Vasquez er King spurði hana hvort lög­fræði­teymið væru með ein­hverja áætlun um það hvernig þau muni bregð­ast við áfrýjun Heard. „Og við erum búin að bregð­ast við. Herra Depp end­aði á því að áfrýja sjálfur, svo rétt­ur­inn fái öll gögnin. Og hún krefst þess að halda áfram með þennan mál­flutn­ing og við verðum að vernda hags­muni við­skipta­vinar okkar,“ sagði lög­mað­ur­inn og bætti við: „Við erum bara von­góð um að rétt­ur­inn haldi sig við nið­ur­stöður dóms­ins, sem við teljum réttar nið­ur­stöður og leyfa þannig báðum aðilum að halda áfram með lífið.“

Vasquez sagði King einnig að þau hefðu ekki áfrýjað ef Heard hefði ekki áfrýjað fyrst. „Þetta snérist aldrei um pen­inga hjá hr. Depp. En til þess að gæta hags­muna hans og sem lög­menn hans verðum við að bregð­ast við áfrýj­un­inni með okkar eigin áfrýjun.“